LUKAS 20:8 - Susula Malalaok Hehelu Palak Ma Hehelu Beuk

⁸ Boema Yesus nafa'das nae, “Metema leondiak soona, Au boeo neukose ta afa'da emi, see nde fe hak neu Au soaneu tao basa ia la fa.”

LUKAS 20:8 Referans Kwoze

MARKUS 11:33

Hu ndia de lataa lae, “Ami ta bubuluk fa.” Boema Yesus nafa'das nae, “Metema leondiak soona, Au boeo ta afa'da emi, Au tao basa ia la ninik see koasa na fa.”

MATEOS 21:27

Hu ndia de lataa lae, “Ami ta bubuluk fa.” Boema Yesus nafa'das nae, “Metema leondiak soona, Au boeo ta afa'da emi, no see hak ka de Au tao basa dede'ak sila la fa.”

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

LUKAS 22:68

Ma leomae metema Au atane emi boeo, neukose emi ta mataa fa.

LUKAS 20:7

Da'di ala lataa lae, “Ami ta bubuluk fa.”

LUKAS 20:9

Yesus tui hataholi sila la nakandandaak manamai ka nde ia nae, “Hapu touk esa ana sele osi angol esa. Basa boema ana fe osi ndia neu manaso'u belak de'ubee fo ala seban, boema ana la'o leo nusa fe'ek neu fo ana leo nala doo ka nai naa.