LUKAS 17:3 - Susula Malalaok Hehelu Palak Ma Hehelu Beuk

³ Hu ndia de manea matalolole leona! Metema o tolanoo ma nasala-nasingo soona, kena-ka'in leona. Fo metema ana tukatei-saledale soona, fe do'o do ampon neun.

LUKAS 17:3 Referans Kwoze

IMAMAT 19:17

Boso mape'da dalek neu su'di see boen. Mole-dame moo su'di see, fo emi male'a-mapilik moon, fo daenga emi boso masala-masingo, hu kande hataholi fe'ek.

MATEOS 18:21

Basa boema Petrus mai de natane Yesus nae, “Lamatuak, metema au tolanoong esa nasala-nasingo neu au, soona au muse fe do'o do ampon neun, la'i de'u bee? Ade losa la'i hitu do?”

AMSAL 9:8

Boso makadadaek hataholi fo ana ta nau nanoli-nafa'da fan, te neukose ana nakamuu-nakadau o. Tehu metema o matu'du hataholi manatee-tenok-ka salan-na soona, neukose ana nalelak ha'dak neu o.

YAKOBIS 5:19

Tolano-tolanoo ngala lemin! Metema nai emi dalek, hapu hataholi esa, ana ta tunga Manetualain dede'a-kokolan so'on, boema hataholi esa no fali kana leo Manetualai mai soona,

AMSAL 27:5

Malole lenak kena-ka'i no mangale'dok neme susue-lalaik nananafunik-ka mai.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

KELUARAN 34:12

Boso tao hehelu-balataak moo hataholi manai nusak fo emi meu, nana dede'ak ndia ana bisa da'di hihi'ik esa, fo nenenin-na mamates ba'eneu emi.

2 YOHANIS 1:8

Hu ndia de manea matalolole, fo boso nalosak emi mamopo hata fo, ami tao-no'i basan neu emi ndia. Sanga enok, fo ela emi hapu sipo la'iesak emi ngga'di ma neme Manetualain mai.

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

EFESUS 5:15

Hu ndia de, taoafik matalolole, o so'da ma eno-dalan. Boso maso'da sama leo hataholi nggoa kala; te maso'da sama leo hataholi malela kala.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

AMSAL 17:10

Kena-ka'ik esa, sosoa-ndandaan lena, ba'eneu hataholi dale malole-a lena heni filuk hataholi dudu'a-aafi taak-ka la'i natun esa.

MAZMUR 141:5

Metema, hataholi malole esa, ana ka'i au, ma nanoli au no dale ndoos soona, ndia sama leo mina fo, malole nanseli ba'eneu au. Sa'di leo bee-na, au ta tipa fan, nana au hule-haladoi akandoo, fo la'ban sila tatao-nono'i mangalaun-nala.

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.