LUKAS 17:21 - Susula Malalaok Hehelu Palak Ma Hehelu Beuk

²¹ nalosa hataholi hapu kokolak nae, ‘Mai meten te nde ia!’ do ‘nai naa!’ Nana Manetualain mulai paleta nai emi tala'da so.”

LUKAS 17:21 Referans Kwoze

MATEOS 12:28

Tehu Au usiheni dula dale mangalau kala, ninik Manetualain Dula Dale na koasa na. Fo dede'ak ndia, sosoa na nae, Manetualain mulai paleta nai emi tala'da so.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

MARKUS 13:21

Nai lelek ndia, makanaema hataholi esa nafa'da emi nae, ‘Mitak, Mane Mana Fe So'dak ndia, nai ia!’ do ‘Mitak, nai ndia!’ – soona boso mamahele hataholi ndia.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

LUKAS 21:8

Yesus nae, “Manea matalolole leona, fo boso nalosak ala ke'dindiu la emi. Hataholi ba'u ka neukose ala mai no ala pake Au na'de nga fo lafa'da lae, ‘Au nde Ndia!’ ma ‘Fai na losa so.’ Tehu emi boso tungas.

LUKAS 17:23

Mahani te neukose hataholi nafa'da emi nae, ‘Meten, te nai ndia!’ do ‘Meten, te nai ia!’ Tehu emi boso kalua fo meu sangan.

YOHANIS 1:26

Tehu Yohanis nataa nae, “Au salani inik oe. Tehu nai emi dalek, hapu hataholi esa, fo emi ta malela kana fa.

YOHANIS 18:36

Boema Yesus nae, “Au nusa nga ta neme daebafak ia mai fa. Leo uni ka Au nusa nga neme daebafak ia mai soona, neukose Au hataholi ngala sanga enok lakandoo, fo daenga ala boso fe Au leo manakoasa Yahudi la neu. Tehu memak Au nusa nga ta neme daebafak ia mai fa!”