LUKAS 16:1 - Susula Malalaok Hehelu Palak Ma Hehelu Beuk

¹ Yesus nafa'da ana manatunga nala nae, “Hapu tou kamasu'ik esa. Touk ia nanuu pegawi manape'da doik esa, fo ana ito-ato su'i-bete nala. Hataholi kamasu'ik ia hapu hala nafafa'dak lae, pegawi manape'da doi na didilo-dodolo tali doin.

LUKAS 16:1 Referans Kwoze

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.

TITUS 1:7

Mauli-malanga salani ka nde bee na hataholi mana ito-ato Manetualain tatao-nono'i nala. Hataholi ndia, ta bole masala-masingok fa, ta bole mana koaok, ma ba'unasa, do mana mafuk, do ana hii sanga ka'da natutu-nafepak, do ana tao dale na nai ka'da doi ka.

LUKAS 15:30

Ama anan ndia na'a basa Ama su'i-beten neu ina manasosoa-piao kala, tehu leondiak ana fali ma'in boema Ama do'do fen sapiana maao!’

LUKAS 15:13

Basa faik de'ubee boema, ni'iana mulianak ndia nase'oheni ndia hata baba'e na de neu leo nusa dook neu. Nai naa, ana didilo-dodolo tali doi na ninik so'da lena-lena ka.

LUKAS 19:20

Malalau-maoono esa ka ana mai de nae, ‘Tuan, Tuan doi na nde ia. Au potin nai lesu dale.

AMSAL 18:9

Hataholi fo, ta nakalala'ok bela-ba'un fa, mangalaun-na, sama no hataholi fo, ana ta nau tao malole fa.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 8:3

boeo Yohana, fo Khuza saoina na. Khuza ia, pegawi nai Herodes uma mane na, Susana, ma ina fe'ek ba'u ka seluk bai. Ala tulu-fali Yesus ma ana manatunga nala ninik sila tali-doi mesa nala.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

1 TAWARIKH 28:1

Manek Dauk-ka paleta fo ela basa mauli-malangan Israel-la lakabubua. Da'di basa maneleo, malangan teidale-bobongik, basa manamanea manek-ka ma anamanen-nala hata-heton boema bana-manun-nala – dede'a keke'un-na, basa uma manek-ka hataholi matua-mademan-nala, malanga solda'du matuaina-la ma hataholi nananita-nalelak-kala, fo basa-basas lakabubua lai Yerusalem.

KEJADIAN 43:19

Hu ndia de, lafa'da malanga uma loo nai deka no Yusuf uma lelesun-na lae,

KEJADIAN 15:2

Tehu Abram nae, “Amak Fo Mademaina, Amak-ka ta fe au anak fa. Hataholi fo, neukose ana hapu au hata-hetong-ngala, ka'da Eliezer, fo au atang-nga neme Damsyik mai. Da'di, sosoak hata, Manetualain fe au ngga'di?”

MATEOS 20:8

Le'donoso boema osi lamatuak ndia nafa'da malanga mana so'u bela ka nae, ‘Maloo ma basa mana-mana so'u bela kala fo bae ngga'di nala, mulai neme hataholi mana masok makabui ka, losa mana masok makasososa ka.’

LUKAS 16:2

Da'di nalo pegawi manape'da doik ndia ma nae, ‘Au amanene basa hata lala'ena la'eneu o so? Besak ia, fe au hala nafafa'da matetuk la'eneu o ue-le'dim ito-ato au su'i-beteng. O ta bole da'di au pegawi manape'da doing so'on.’