LUKAS 15:20 - Susula Malalaok Hehelu Palak Ma Hehelu Beuk

²⁰ Boema no lai-laik ana fali ne'un leo aman uman neu leona. Neu de bei nai doo ka no uma te, aman nitan so. Boema aman dale na tu'da de nalai neu solu kana, tutika ana holu nan de ana de'in.

LUKAS 15:20 Referans Kwoze

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

EFESUS 2:13

Tehu besak ia, hu ka nde emi da'di esa mo Kristus Yesus so de, makahulu na emi nai doo ka, te hu ka nde Kristus mamate na de, emi deka so.

YESAYA 49:15

Manetualain nataa nae, “Hapu nai bee, inak esa, nafandele heni anan-na, ma ana ta sue-lai, ana bongin-na fa? Leomae, nafandele henin boe, neukose, Au ta afandele heni o fa!

KEJADIAN 33:4

Tehu Esau nalai neu nakanini Yakob, boema ana holu-nan, de ana de'in. Boema duas lakii ao-a.

EFESUS 2:17

Hu ndia de Kristus mai fo Ana tui-benga Hala Malole la'eneu mole-dame ndia neu emi; nau soaneu emi hataholi ta Yahudi fo makahulu na, emi doo ka mo Manetualain, do soaneu hataholi Yahudi fo ala deka lo Manetualai na boe.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

KEJADIAN 46:29

Yusuf sa'e-na kaletan-na, fo neu natongon-no aman nai ndia. Lelek ala latongo boema, Yusuf holun-na aman de ana kii-nala doon-na seli.

KEJADIAN 45:14

Basa ndia boema, ana holu-na Benyamin fo fa'din ndia, boema ana kii; Benyamin boeo ana kii, ma ana holu Yusuf boe.

HATAHOLI 20:37

Basa-basas holu la Paulus de ala kii ma lafa'dan lae, la'o no so'dak leona.

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

2 SEMUEL 14:33

Basa boema, Yoab neu leo Mane Dauk-ka neu, de nanduku-nalosak Absalom dokodoen-na. Boema, manek-ka naloo Absalom, de Absalom mai de ana sene-do'ok neu manek-ka matan-na. Boema, manek-ka sipok-kana nenik dede'ik.

LUKAS 15:19

Au ta andaa da'di ama anan so'on. Mafa'da mae, au da'di ama hataholi manaue-male'din.’

LUKAS 15:21

Boema ni'iana ndia nafa'da aman nae, ‘Ama, au asala-asingo basa neu Manetualain ma neu Ama so. Au ta andaa da'di Ama anan so'on.’