LUKAS 11:39 - Susula Malalaok Hehelu Palak Ma Hehelu Beuk

³⁹ Hu ndia de Lamatua ka nafa'dan nae, “Memak emi hataholi Farisi la, biasa safe balisi ka'da pinga mango dea na, tehu nai emi aoinam dale soona, henuk no naseti-nalaka ka ma mangalau ka.

LUKAS 11:39 Referans Kwoze

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

HATAHOLI 5:3

Nini doi kala neu boema, Petrus nafa'dan nae, “Ananias, te tao le'e de o po'ilotak Nitu koasa o dale ma, de nalosa o masapepeko neu Manetualain Dula Dale na no denge-dengek. O ho'i ma o mase'o dae a doi na seli fo o paken neu o paluu ma?

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

GALATIA 1:14

Nai dede'a nakalala'ok agama Yahudi a hoholo-lalanen soona, au nde malole lenaheni au dedena-baba'ung hataholi Yahudi ngala. Au nde manggate anseli, nai nakalala'ok ami bei ba'i kai mala ha'da na.

YOHANIS 12:6

Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

LUKAS 7:13

Lelek Lamatuak Yesus nita inak ndia boema, dale na tu'da neun de nafa'dan nae, “Ina, boso kii-makaleleu!”

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

AMSAL 26:25

Leomae, hala-kokolan mangana'uanak, tehu boso mamahelen; nanahu nakamuu-nakadauk-ka, koasa dalen-na.

MAZMUR 22:13

Musu-a nakamomotu-na au, sama leo sapi mane bubuak esa, lakahapi-la au, sama leo sapi mane fuik-ka neme Basan mai.

2TAWARIKH 25:2

Amazia tao hata fo nandaa no Manetualain dalen-na, tehu ana tao no dale bibia-seselik.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

YOHANIS 13:2

Yesus no ana manatunga nala bei la'a-linu le'odaek, te nitu nadai basa dudu'a mangalau ka nai Yudas fo Simon Iskariot ana na dalen dale, fo sue ka nde ana ke'dindiu Yesus.

AMSAL 26:23

Sama leo uledae nananakadiditak lilofulak, leondiak boe, hataholi fo, hala-kokolan makeek, tehu dalen-na mangalauk.

LUKAS 7:19

boema nadenus leu leo Lamatuak Yesus fo latanen lae, “Ade Ama ia hataholi fo neukose ana mai tunga Manetualain hehelu na, do muse ami mahani hataholi fe'ek?”