LUKAS 11:28 - Susula Malalaok Hehelu Palak Ma Hehelu Beuk

²⁸ Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

LUKAS 11:28 Referans Kwoze

LUKAS 8:21

Tehu Yesus nafa'da neus nae, “Hataholi fo namanene Manetualain dede'a-kokolan, ma ana tao-no'in soona, sila la nde Au inang ma Au tolanoo ngala.”

MAZMUR 112:1

Koa-kio Manetualain leona! Maua-manalek ba'eneu hataholi kamahehelek fo nahii Manetualain paletan-nala.

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

MAZMUR 128:1

Nakamee dodonge-dadamak. Maua-manalek ba'eneu hataholi kamahehelek-ka, ma hataholi fo, naso'da tunga Manetualain paletan-na.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

AMSAL 8:32

Hei hataholi muli-soluk-konei! Mamanene neu au, Tunga au natutu'dung-nga, soona neukose o tetu-temak.

AMSAL 19:16

Hataholi manatunga Manetualain paletan-na, neukose naso'da, tehu hataholi fo, ana ta taoafik neu fan-na, neukose maten.

NINITAK 1:3

Maua-manalek neu hataholi fo manales ma hataholi fo namanene susulak ia nafa'da ela ka, boema ana tunga hata fo nanasulak nai dale ka. Nana ta doo ka so'on te, basa ia la neukose ala da'di.