LUKAS 10:9 - Susula Malalaok Hehelu Palak Ma Hehelu Beuk

⁹ Makahahaik hataholi kamahe'dis manai kota ndia, boema tui-benga fe hataholi manai sila la mae, ‘Neukose Manetualain no lai-laik Ana mulai paleta da'dileo Manek nai emi tala'da.’

LUKAS 10:9 Referans Kwoze

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

LUKAS 10:11

‘Emi kota ma daesopum fo nakadita nai ami ei dale ma, ami sasapuhenin da'dileo nasanene'dak soaneu emi. Tehu bubuluk leona, te fai na deka soaneu Manetualain mulai paleta da'dileo Manek nai emi tala'da!’

HATAHOLI 28:31

No napalanik, ana tui-benga neu hataholi la, la'eneu tao leo beek fo Manetualain paleta leo Mane ka, ma la'eneu Lamatuak Yesus Kristus. Paulus tui-benga su'di bebe'i ka, te ta hapu mana kena-ka'i fa.

LUKAS 9:2

Basa boema nadenus leu lakahahaik hataholi kamahe'di kala, ma ala tui-benga halak la'eneu tao leo beek fo Manetualain paleta leo Mane ka.

HATAHOLI 28:28

Mate'e na boema Paulus nafa'das nae, “Tolanoo kala muse bubuluk te, besak ia halak la'eneu maso'dak maneme Manetualain mai a, nanatui-benga basak neu leoina fe'ek fo hataholi ta Yahudi la, de ala tungan so!”

YOHANIS 3:3

Boema Yesus nafa'dan nae, “Mamahele leona te, metema hataholi esa ta bongi nasafali fan soona, hataholi ndia ta da'di Manetualain hataholi kamahehelen fa.”

MARKUS 6:13

Yesus ana mana tunga nala usiheni dula dale mangalauk makadotok, ma ala lose mina Setun neu hataholi kamahe'di sala fo ala lea-hai.

MARKUS 4:30

Boema Yesus natane seluk nae, “Makanaema Manetualain paleta soona, ita takasasama kana no bee ka? Ta'du-tana bee ka nde ita paken fo tafa'da mangalele'don?

MATEOS 4:17

Mulai neme lelek ndia mai boema, Yesus mulai tui-benga nae, “Tukatei-saledale leona, te ta doo ka so'on te Manetualain paleta leo Mane ka!”

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

LUKAS 10:10

Tehu metema emi meu leo kota esa meu, fo ala ta sipok emi nai ndia fa soona, kalua leo enok lain meu fo mafa'da mae,