LUKAS 10:33 - Susula Malalaok Hehelu Palak Ma Hehelu Beuk

³³ Tehu basa boema hataholi Samaria esa ana la'ok tunga enok ndia boe. Lelek nita hataholi ndia, boema dale na he'di nanseli, nana ana kasia nana.

LUKAS 10:33 Referans Kwoze

1RAJA-RAJA 8:50

Fe do'o do ampon neu basa sala-singok ma sila nalelesin la'eneu O a, ma tao ma sila musun-nala tao malole neus.

LUKAS 7:13

Lelek Lamatuak Yesus nita inak ndia boema, dale na tu'da neun de nafa'dan nae, “Ina, boso kii-makaleleu!”

AMSAL 27:10

Boso mafandele heni o tia-laim, do o amam tia-lain-nala. Boso moke o tolanoom-ma tutulu-fafalik, nai toto'a-tataak-ka dalek; uma titia-tataik fo manadekak-ka, sosoa-ndandaan lena neme tolanook manai dook-ka mai.

MATEOS 18:33

Ade o dale ma ta kasian neu o nonoom ndia, sama leo au kasian neu o fa?’

MATEOS 10:5

Basa boema Yesus nadenu ana mana tunga kasanahulu duan sila la, de Ana fes natutu'du kala nde ia nae, “Boso meu leo hataholi ta Yahudi la nusa nala meu. Ma boso meu leo hataholi Samaria la kota nala meu boe.

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

YOHANIS 4:9

Boema ina Samaria ndia nae, “Manetualain hataholi Yahudi, ma au hataholi Samaria; ma tao le'e de, Manetualain noke au oe?” (Nanahu, hataholi Yahudi la ta bole kokolak lo hataholi Samaria la fa.)

KELUARAN 2:6

Lelek manek-ka anafe'on-na buka sapaianak ndia boema, nita ni'iana esa nai dalek, te ni'iana ndia bei kii. Manek-ka anafe'on-na, dalen-na tu'da kasian neun, de nafa'da nae, “Tao leo bee-o, ni'iana ia, hataholi Ibrani.”

LUKAS 10:32

Leondiak boe no hataholi Lewi esa ana la'ok tunga ndia. Lelek nita hataholi ndia, boema neu deka non fo ana mete matalololen. Tehu hataholi ndia boeo, ana heok leo eno ka selik neu, boema ana la'ok nakandoo.

LUKAS 10:34

Boema neu deka no hataholi ndia, boema ana safe balisi hina nala ninik angol, ma namo'don ninik mina, basa boema ana popoti-papalu hinak sila la. Basa ndia boema ana fua hataholi ndia neu keledein lain, boema non leo losmen esa neu fo puli lamo'don.