LUKAS 10:24 - Susula Malalaok Hehelu Palak Ma Hehelu Beuk

²⁴ Mafandendelek leona! Nabi ba'u ka ma mane kala hii lita hata fo emi mitan besak ia, tehu ta lita fan. Ala hii lamanene hata fo emi mamanenen besak ia, tehu ta lamanene fan.”

LUKAS 10:24 Referans Kwoze

IBRANI 11:13

Basa hataholi sila la lamahehele lahele losa mate. Ala ta sipo dede'ak fo nanaheluk neme Manetualain mai fa, tehu ka'da lita ma ala sipo kana neme doo ka mai. Ma no enok ndia de lafa'da lae, sila ka'da hataholi manamai, ma manasepo-danga nai daebafak ia.

YOHANIS 8:56

Emi amam Abraham, nita Au fai nga de namahoko nanseli!”

IBRANI 11:39

Basa hataholi sila la hapu sesengi matua ina nanseli, hu ka nde namahehele nala! Tehu ala ta sipo hata fo Manetualain helu ka fa,

MATEOS 13:16

Boema Yesus nafa'da ana mana tunga nala nae, “Tehu emi maua-manalek manseli, nanahu emi mita ma mamanene te'e-te'e.

LUKAS 10:23

Boema Yesus lipa leo ana manatunga nala neu, basa boema nafa'das mesa kasa nae, “Emi maua-manale nana emi mita basa hata fo emi mitan besak ia.

LUKAS 10:25

Basa boema, mese agama esa to'da mai soaneu nakahihi'ik Yesus. Natane nae, “Ama mesen, au muse tao hata fo ela au hapu sipo so'da matetu ka ma manaketu basa ta ka?”