LUKAS 1:53 - Susula Malalaok Hehelu Palak Ma Hehelu Beuk

⁵³ Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 1:53 Referans Kwoze

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

MAZMUR 34:10

Fe ha'da-holomata neu Manetualain, hai emi fo, anan-nala lemin, nana hataholi kamahehelek-ka, neukose ana ta to'a-taa fa.

LUKAS 6:24

Tehu soe neu emi, fo mamasu'i besak ia; nana emi la'ola'di basa maso'da mandailena ka so!

MATEOS 5:6

Maua-manalek neu hataholi fo nahiik tao-no'i Manetualain hihii-nanaun; nanahu neukose Manetualain fes hata fo lahii kana!

1 KORINTUS 1:26

Tolano-tolanoo ngala lemin! So'ba mafandele su'dik emi heheo-hihilum nai lelek fo Manetualain nalo emi a. Nai emi dalek, hapu ka'da lumanak mesa kana manatee tenok, do manakoasa do matua-madema tunga hataholi a mata memete na.

YOHANIS 6:35

Tehu Yesus nafa'das nae, “Au nde loti manafe so'dak ndia. Hataholi see mai leo Au mai soona, neukose ana ta namala'a so'on losa dodoo na. Ma see namahele Au soona, neukose ana ta maa ma'da so'on losa dodoo na.

SEMUEL SUSULAK-KA ESAN-NA 2:5

Hataholi fo makahulun-na nakabete nanahu nana'a-nininun sasi kao-kao, besak ia, ana da'di hataholi mana'a ngga'di, ka'da soaneu hapu nana'ak. Hataholi fo makahulun-na namala'a-namandoe, besak ia namahokok, nana'a-nininun dai so. Saoinak kalate'dis-sa, besak ia dalen-na namatua, ana bongi-na ni'iana hitu so! Tehu inak fo anan ba'uk-ka, dalen-na he'dis-sa, nanahu ana-nala mate la'oelan.

1 KORINTUS 4:8

Memak emi ta paluu seluk hata-hata so'on! Emi mamasu'i so. Emi da'di manek so! Te ami ta. Malole na seli, metema emi te'e-te'e dadi manek so, fo ela ami hapu paleta sama-sama mo emi.

YESKIAL 34:29

Neukose Au fe tinan-nala, labuna-laboa no malole, nalosa ta lamala'a-lamandoe lai nusak ndia so'on. Neukose leoina fe'ek-kala, ta lakamumulu-lakamamaek-kasa so'on.

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

LUKAS 1:54

Ana tulu-fali Israel Ata na, tunga hehelu-balatak, fo Ana taon no ita bei-ba'ikai nala.