LUKAS 1:17 - Susula Malalaok Hehelu Palak Ma Hehelu Beuk

¹⁷ Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”

LUKAS 1:17 Referans Kwoze

MATEOS 11:14

Ma metema emi nau mamahele Yohanis ndia nde Elia, fo mamai na nananafa'da ela basak so.

LUKAS 1:76

O, hei Au anango nei, neukose O nanasseik Manetualain fo Matua Madema Ina nabin. O nananadenuk nakahuluk neme Lamatua ka mai soaneu o oti enok ba'eneun,

YOHANIS 3:28

Au afa'da basa emi ae, ‘Au ta nde Mane Mana Fe So'dak ndia fa. Tehu Manetualain nadenu au mai akahuluk, neme Hataholi ndia mai.’

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

1 TAWARIKH 29:18

Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.

NINITAK 20:4

Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

KOLOSE 1:12

boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.

MAZMUR 111:10

Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!

2 TIMOTIUS 2:21

Leondiak boe, hataholi fo ana hahae tao-no'i tatao-nono'i managalau ka, neukose hataholi ndia nanapaluuk nanseli. Nana so'da na malalaok, ma nandaa no ndia malanga na, dale na. Hataholi leondia ka, neukose nananamahelek soaneu ana tao basa tatao-nono'i malole lala'ena.

YESAYA 29:24

Hataholi nggoak-ka, neukose nanoli fo nalelak, ma hataholi fo mumu-mumu tataas esa, neukose namahoko sipo nanolik.”

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.

HATAHOLI 10:33

Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”

YOHANIS 1:34

Boema Yohanis nae, “Au ita matang Hataholi ndia, de au afa'da ae, Hataholi ndia nde Manetualain Ana na.”

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

LUKAS 1:16

Neukose ana hela-nole hataholi Israel ba'u ka fali leo Manetualain fo sila sene-do'o ka.

MATEOS 14:4

Nana Yohanis nafa'da hai Herodes nae, “O ta bole sao Herodias fa!”

AMOS 4:12

Hu ndia, hai hataholi Israel-la lemin, neukose Au huku emi. Da'di maheheleaom leona, fo masasalematak moo huhukuk fo neukose Au fen tuni-na emi!”

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

2TAWARIKH 29:36

Boema Manek Hizkia ma laun-na lamahoko, nanahu Manetualain tulu-fali sila, de ala tao basa sila-la ka'da nai fai nggenggeloanak esa mesak-kana.

1RAJA-RAJA 21:20

Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

MATEOS 3:4

Yohanis ia, bua papake na ala taon neme onta bulu na mai, kalikee na ala taon neme bana lou ka mai, boema nana'a-nininun nde lama ka no fani oe a.

2RAJA-RAJA 1:16

Boema Elia nafa'da manek-ka nae, “Manetualain nae, ‘O madenu hataholi neu noke natutu'duk neme Baal-Zebub, fo kota Ekron-na, lamatua daebafan-na, nono'ka bai, ta hapu Manetualain nai Israel so'on, fo o bole matane neun fa. Hu ndia de, o ta lea-hai so'on, de neukose mate o!’ ”

1RAJA-RAJA 18:18

Boema Elia nataa nae, “Au ta nde maneni susa soe ndia fa, te Ama Manek dei. Ama Manek ma Ama Manek teidalen-nala nde maneni susa soe ndia dei. No sene-do'ok neu Baal-la sosongo-tatangon-nala, Ama Manek la'olena Manetualain paletan-nala.

SEMUEL SUSULAK-KA ESAN-NA 7:5

Basa ndia boema, Semuel nafada nae, “Maloo makabubua basa leoina Israel-la lala'en-na nai Mizpa, soona neukose au hule-haladoi neu Manetualain soaneu emi.”

MATEOS 3:3

Yohanis ia nde hataholi fo Nabi Yesaya nafa'da ka. Nabi Yesaya nafa'da nae, “Hapu hataholi esa nalo bou-bou nai mo solokae ka nae, ‘Sadia enok soaneu Lamatua ka leona; tao matetu eno kala ba'eneu Lamatua ka.’ ”