LUKAS 1:15 - Susula Malalaok Hehelu Palak Ma Hehelu Beuk

¹⁵ Neukose ana da'di hataholi matua, nai Manetualain mata memete na, ma neukose ta ninu angol do nininuk fo nini mamafuk fa. Neukose Manetualain Dula Dale na koasa nan, neme bongin nana mai.

LUKAS 1:15 Referans Kwoze

YEREMIA 1:5

“Au beita fe o lupa-aok nai o inam tein dale fa, ma beita bongi o fa te, Au hele ma Au so'u basa o, soaneu da'di nabi ba'eneu leoina-kala.”

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

GALATIA 1:15

Tehu no Manetualain dale malole na de, beita bongi au boen te, Ana hele ma nalo au fo, au alalau-aoonon.

HATAHOLI 2:4

Tutika Manetualain Dula Dale na koasa nalas de ala mulai kokolak linik dede'a fe'ek mata-mata kala. Ala kokolak tunga hata fo Dula Dale ka, ana fes ala kokola kana.

LUKAS 7:33

Lelek Yohanis Mana Salani ka ana mai de ana oka ao na, ma ta ninu angol fa, emi mafa'da mae, ‘Nitu masok nai dalek!’

YOSUA 4:14

Faik ndia, Manetualain tao dede'a-dede'ak fo tao-na leoina Israel-la fe ha'da-holomata neu Yosua, da'di leo hataholi matua. Nai fai maso'dan-na dalek, ala fe ha'da-holomata neun, sama leo ala fe ha'da-holomata neu Musa.

LUKAS 7:28

Yesus nafa'da boe nae, “Mafandendelek leona, te nai daebafak ia beita hapu hataholi matua lenaheni Yohanis Mana Salani ka. Tehu hataholi fo, kome'doana nanseli nai Manetualain hataholi kamahehele nala tala'da, matua lenaheni Yohanis Mana Salani ka.”

1 TAWARIKH 17:8

Au tulu-fali o nai lelek o muu leo su'di bee muu, ma Au taoisa basa o musu mala, nai lelek o matee-matati. Neukose Au tao a o nananita-nalelak sama leo mauli-malangan matuaina nanseli nai daebafak ka.

YOSUA 3:7

Manetualain nafa'da Yosua nae, “Mulai faik ia, neukose Au tao o da'di hataholi matua, nalosa basa hataholi Israel-la lala'en-na, fe ha'da-holomata neu o, ma ala lame'da, lae Au nai o boboam-ma, sama leo Au nai Musa boboan-na.

ZAKHARIA 9:15

Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

MAZMUR 22:9

Lafa'da lae, “Nemen-na fo nasalai dean-na neu Manetualain, fo ela Manetualain soi-tefa nan, metema Manetualain dalen-na neulauk non!”

1 TAWARIKH 29:12

Basa su'i-betes ma tetu-temak lala'en-na da'di neme O mai; O kasa basa hata lala'en-na nenik O be'ibalakaim ma O paletam-ma; O manuu koasa tao su'di see da'di hataholi matua ma balakaik.

KEJADIAN 48:19

Tehu aman ta sipok fa, de nae, “Au bubuluk, anang-ngo, Neukose Manasye koasan-na ba'un-na seli, ma tititi-nonosin boeo neukose da'di leoina matua. Tehu fa'din na neukose koasan-na matua lena neme ka'an ndia mai, ma fa'din ndia tititi-nonosin neukose da'di leoina matua.”

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

YEREMIA 35:6

Tehu ala lataa lae, “Ami a minu angol fa. Ami bei ba'ikai manamatem Yonadab fo Rekhab anan-na kena-ka'i ami losa ami tititi-nonosin ta bole ninu angol fa. Kekena-kaka'ik ndia ana moli-da'di soaneu losa dodoon-na.

LUKAS 1:14

Neukose o mamahoko manseli, ma hataholi ba'u ka neukose lamahoko-setelee metema ni'iana ndia mahani te nanabongik!