LUKAS 1:13 - Susula Malalaok Hehelu Palak Ma Hehelu Beuk

¹³ Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis.

LUKAS 1:13 Referans Kwoze

HATAHOLI 10:31

Touk ndia nafa'da au nae, ‘Kornalius! Manetualain namanene o huhule-haladoim so, ma nafandendelek o dale malole ma.

SEMUEL SUSULAK-KA ESAN-NA 2:21

Manetualain ba'e-pala Hana, nalosa ana bongi seluk anatouk telu ma anainak dua. Semuel boeo boetai namatua, de nalalau-naoono Manetualain.

MAZMUR 113:9

Ana ba'e-bati fe saoinak ana tak-kala, anak, Ana taon da'di ina fo, maua-manale malole, ma nanafe ha'da-holomata nai uman dale. Koa-kio Manetualain leona!

KEJADIAN 25:21

Hu kande Ribka ta bongi fa, de Isak hule-haladoi neu Manetualain soaneu saoinan Ribka. De Manetualain sipok Isak huhule-haladoin, boema Ribka nailu.

LUKAS 2:21

Basa de ni'iana ndia faik falu, boema ala suna tana. Boema ala foin na'de Yesus, fo nde na'dek fo ata nusa so'da ka nafa'dan te, inan beita nailu fan.

MAZMUR 118:21

Au koa-kio O, nana O sipok au huhule-haladoing; O fe basa au sesengik so.

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

MATEOS 14:27

Tehu Yesus nataa tutik nae, “Boso bii! Te Au ia Yesus. Dale mala tesa-tama leona!”

KEJADIAN 17:19

Tehu Manetualain nae, “Ta. Neukose, o saom Sara bongi anatouk, de neukose o foin na'de Isak. Neukose, Au ho'u ahele Au hehelu-balataang no ni'iana ndia, ma no tititi-nonosin-nala losa dodoon-na. Hehelu-balataak ndia, manaketu-basa taak.

MATEOS 28:5

Ata nusa so'dak ndia nafa'da inak sila la nae, “Boso bii! Au bubuluk emi sanga Yesus fo nanalona-nggange basak ndia.

DANIAL 10:12

Boema nafa'da au nae, “Danial, boso bii. Manetualain namanene o huhule-haladoim neme faik makasososan fo o ho'i nakeketuk soaneu o makaloe-makadae o aom-ma, fo ela o da'di manatee-tenok. Au mai da'dileo natataak neu o huhule-haladoim.

HAKIM-HAKIM 6:23

Tehu, Manetualain nafa'dan nae, “Makatetesak o dalem-ma! Boso bii. Te neukose, ta mate o fa.”

KEJADIAN 17:10

O ma basa o tititi-nonosim-mala, muse sunat-tasa.

LUKAS 1:30

Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na.

YESAYA 8:3

Neu fai makabuin boema, au saong-nga nailu. Lelek bongi ami anam-ma boema, Manetualain nafa'da au nae, “Foi ni'iana ndia, na'de ‘Naseti-nalaka no Lai-laik, Namanako no Lai-laik.’

HOSEA 1:6

Basa boema, au saoinang ndia, ana bongi ami ana ka dua-ma, ni'iana inaanak esa. Manetualain, nafa'da au nae, “Hosea, foi o anam ndia na'de ‘Fo Ta Nanasue-laik fa’, nanahu, neukose Au ta sue-lai leoina Israel-la so'on, ma neukose sila ta hapu do'o do ampon fa.

HOSEA 1:4

Boema Manetualain, nafa'da au nae, “Foi o anam ndia na'de Yizreel, nana ta dook-ka so'on te, neukose Au huku mane Israel-la, nanahu kanisak fo ba'i kain Yehu, taon neme Yizreel-la. Neukose Au tao ate'e Yehu tititi-nonosin paletan-na.

MARKUS 16:6

Tehu hataholi muli-soluk ndia nafa'das nae, “Boso bii! Au bubuluk emi mai sanga Yesus hataholi Nazaret fo nanalona-nggange ka. Ta nai ia so'on. Naso'da falik so! Mete mitak mamana nangapepe'u na nde ia dei.

MATEOS 1:21

Neukose Maria bongi na ni'iana touanak esa. Soona o muse foi ni'iana ndia na'de Yesus, nanahu neukose ni'iana ndia nde soi-tefa nala hataholi daebafa ka sala-singo nala.”

LUKAS 1:14

Neukose o mamahoko manseli, ma hataholi ba'u ka neukose lamahoko-setelee metema ni'iana ndia mahani te nanabongik!