KOLOSE 1:7 - Susula Malalaok Hehelu Palak Ma Hehelu Beuk

⁷ Epafras fo ami tolano susue-lalaim ndia nde tui-benga dede'ak ndia neu emi a. Epafras ia, Kristus malalau-maoono mana lilinekan, fo nalalau-naoono soaneu ita paluu na.

KOLOSE 1:7 Referans Kwoze

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

FILEMON 1:23

Epafras, fo hu ka nde Kristus de, ala tahan ana sama leo au boe, ana haitua fe o nate'ak boe.

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

KOLOSE 4:7

Tikhikus, fo ita tolano susue na, neukose nafa'da emi basa hata lala'ena la'eneu au. Ana lilineka nai tatao-nono'i ka dalek sama-sama no au, soaneu Lamatua ka.

IBRANI 3:2

Ana lilineka neu Manetualain fo Ana hele basan soaneu tatao-nono'ik ndia, sama leo makahulu na Musa boeo ana lilineka, de ana tao nakababasak bela-ba'un nai Manetualain Uman.

2 TIMOTIUS 2:2

Makahulu na, o mamanene au nanoli ngala neme hataholi makadoto kala matan so, de ela leo bee na o manoli nanolik sila la neu hataholi fo, o mamahele, tete'e ka hataholi sila la, lanoli lalelak hataholi fe'ek.

FILIPI 2:25

La'eneu ita tolanon Epafroditus fo emi mandenun ana tulu fali au a, au dodoo basan ae, paluu au adenun fo ana fali seluk leo emi neu. No au nai au tatao-nono'i nga dalek ma ana sota-mate no au so.

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.

1 KORINTUS 4:2

Malalau-maoono leondia ka, bela-ba'u makasososa na nde ana muse lilineka neu tua na.

1 TIMOTIUS 4:6

Metema o manoli basa dede'ak sila la neu tolano kamahehele kala soona, o da'di Kristus Yesus malalau-maoono malolen. Boema o fufu'a-kakali makandoo o namahehele ma ninik Manetualain dede'a-kokolan fo ita tamahele ka, ma ninik nanoli ndoos fo o tungan dodoo basa ia so.

EFESUS 5:21

Soaneu fe ha'da-holomata neu Kristus de, ela leo bee na, emi esa nakatele neu esa.

1 KORINTUS 7:25

Besak ia la'eneu hataholi fo ala beita saoana fa. La'eneu dede'ak ndia soona, au ta sipo paleta hata-hata neme Lamatua ka mai fa. Tehu da'dileo hataholi fo hu ka nde Lamatua ka baba'e-babatin de nandaa nananamahelek, au nau fe au nanoli-nafa'dang neu emi.

1 KORINTUS 4:17

Hu ka nde dede'ak ndia de, au adenu Timotius ne'i. Da'dileo Kristus ana manatungan, Timotius ia sama leo au ana bongi susue-lalaing. Ndia hataholi esa hapu nananamahelek. Mahani te, neukose ana fe emi nasanene'dak la'eneu eno-dala maso'dak fo au tungan, nai lelek fo au amahele basa Kristus, fo nde eno-dala maso'dak fo au anolin neu salani kala esa-esak, ma su'di nai bee a mesan boe.

MATEOS 25:21

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek ba'u ka neu o. Masok leo dalek ia mai, fo mamahoko sama-sama mo au!’

MATEOS 24:45

Boema Yesus kokolak seluk nae, “Metema leondiak soona, malalau-maoono bee ka nde mana lilinekak ma manatee teno ka? Ndia nde tua na so'un da'di malangan neu malalau-maoono fe'e kala, fo ela ana fes la'a-linu la'e fai na.

BILANGAN 12:7

Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak.

MATEOS 18:29

Boema nonoon ndia senek neu mata na de ana dokodoe nae, ‘Boso haelai mamanasa dei tolanoo, te neukose au baeketu au huta ngala!’

KOLOSE 4:9

Neukose Onisimus ne'i soona, ana sama-sama no Tikhikus; Onisimus ia, emi hataholim ndia, fo hataholi mana lilinekak de ami sue-lain. Neukose Tikhikus ana tui basa hata manda'dik manai au mamanang ia.