KOLOSE 1:12 - Susula Malalaok Hehelu Palak Ma Hehelu Beuk

¹² boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.

KOLOSE 1:12 Referans Kwoze

HATAHOLI 20:32

Besak ia au fe emi leo Manetualain neu, fo ela nakaboboi ma fo ela emi ho'u mahele neu halak la'eneu Manetualai susue-lalain. Manetualain nanuu koasa soaneu natetea-nahehele emi, ma Ana fe emi baba'e-papalak fo Ana sadia basan soaneu hataholi kamahehele nala.

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

2 KORINTUS 5:5

Manetualain nde sadia fe ita soaneu nanatao nasafalik ndia, de Ana fe Dula Dale na neu ita, da'dileo bua pepe'dak esa.

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

IBRANI 3:14

Ita basa-basa tala nde bee na, tolanoo mana sanga enok esa to Kristus, sa'di losa mate'e na, ita ho'u tahehele ita namahehelen fo ita tanuun nai makasososa na.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

IBRANI 12:23

Emi tunga natotongok esa, fo henuk no hika-setelee ka, fo nde natotongo Manetualain ana ulu nala, fo na'de nala nanasulak nai nusa so'da ka dalek. Emi mai masasale matak mo Manetualain, fo mana Maketu-Mala'di basa hataholi daebafa ka lala'ena. Emi masasale matak mo hataholi kamahehele kala dula dale nala, fo ala da'di matetu-mandaak so.

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

EFESUS 5:20

La'eneu hata beek boe, ela leo bee na emi moke makasi tataas esa neu Amak Manetualain, ninik ita Lamatuan Yesus Kristus na'de na.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

ROMA 15:27

No dale namahokok ala ho'i nakeketuk soaneu ala tao dede'ak ndia. Memak tunga ndo na, sila landaa tulu-fali tolanoo nuu ta-hata tak mannai Yerusalem sila la; nana neme hataholi Yahudi, hataholi ta Yahudi sila la sipo basa Manetualain baba'e-papalan so. Da'di hataholi ta Yahudi sila la boeo, landaa tulu-fali hataholi Yahudi la ninik baba'e-papala hata-heto.

AMSAL 16:1

Hataholi daebafak-ka, bole tutu'u enok, tehu Manetualain nde fe nakeketuk-ka.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

YAKOBIS 3:9

Ita pake maa ka fo toke makasi neu Amak Manetualain fo ita Aman, tehu ita pake maa ka boe, fo soo-supa ita nonoo hataholin fo, Manetualain naka dada'di kana tunga lupa aon ndia.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

KOLOSE 3:15

Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

EFESUS 5:4

Emi boeo, ta mandaa kokolak dede'a-kokola manggenggeok, sosoa-piaok, ma hata fo ta kandaak fa. Dede'a nasafali na, ela leo bee na, emi moke makasi neu Manetualain.

EFESUS 4:6

ma Manetualain esa, fo Ana da'di Amak neu basa hataholi lala'e na. Ndia nde Lamatuak neu lalai a ma daebafa ka, fo Ana tao-no'i tunga basa sila lala'e na, ma Ana koasa nai basa sila lala'e na dalek.

1 KORINTUS 9:23

Au tao basa sila la soaneu Hala Malole maneme Manetualain ndia mai, fo ela au boeo tunga nanaba'e-palak.

ROMA 11:17

Ai zetun na ndanan nggelok, fo nde hataholi Yahudi la, nake'di henik so. Ma nai nanake'di henik sila mamana na lakadiditak ai zetun fui ka ndana na, fo nde emi fo hataholi ta Yahudi la fa. Lakadiditak emi meu ndia, fo ela emi hapu mame'da mita basa hata malole lala'ena neme hataholi Yahudi la so'da samane na mai.

ROMA 9:23

Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

YOHANIS 4:23

Tehu losa fai na, fo fai na nde ia so, soona no Manetualain Dula Dale na koasa na, de hataholi la sene-do'ok neu Ama ka, da'dileo Manetualain fo ndo sa, fo nandaa no Ama ka dale hihii na.

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

DANIAL 2:23

Ou, Manetualain fo au be'i-ba'i kaing sene-do'ok-ka. O nde au koa-kio ma amatutua-amadedemak-ka. Nana O fe au manatee-tenok ma be'i-balakaik. O sipok ami dokodoem-ma. Ma O matu'du basa natataak soaneu manek-ka so.”

MAZMUR 116:7

Au daleng-nga tesa-tama, nana Manetualain malole neu au.

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

MAZMUR 79:13

Boema ami, fo O anam-mala, O bi'ilopo fofoom-ma, neukose ami moke makasi neu O, ma koa-kio O losa dodoon-na.

MAZMUR 36:9

Ala la'a lakabete nana'ak fo, manasasi kao-kaok-ka, nai O Umam, O fes linu neme O leem fo, oen-na neni ao mapenak.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

1RAJA-RAJA 6:7

Balok sila-la ala pake ai kaiou Libanon. Lelesu leo kama-kama nana popo-tamak manai ta'dak dae, nai boboan kona, ma soaneu leo ta'da ka dua ma ka telu a, hapu e'dak manadopelele'uk. Basa boema Salomo tao uma ndia hunun-na. Soaneu uma hunuk ka ana pake papak de nakalele'as sama leo kaiisu dui ka ma ana pake papak ai kaiou Libanon. Lelek Manetualain Uman ndia nananafofo'ak, ta tamanene taka-besi lii na fa, nana batu fo nanapakek soaneu uma ndia nafofo'a na, nanasadia basak nai lelek bei lai mamanan-nala. Leondiak Salomo nafofo'a Manetualain Uman ndia losa basan.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

1 YOHANIS 1:3

Hata fo ami mitan ma ami mamanenen, ndia nde ami tui-bengan neu emi a, fo ela emi sama-sama mo ami, taso'da to Ama ka ma Anan Yesus Kristus.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

2 KORINTUS 11:14

Ta dodoo doak sila tataon leondia ka fa, nana nitu boeo ana tao aoina na nalupa leo ata nusa so'da mangale'do ka boe!

EFESUS 2:18

Hu ka nde Kristus da'di lelete de, ita basa-basa – tala nau hataholi Yahudi do hataholi ta Yahudi – boe hu ka nde Manetualain Dula dalen fo kisak ndia de, ita hapu deka to Ama ka.

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

EFESUS 5:11

Boso tao-no'i tatao-nono'i sosoa-ndandaa tak fo hataholi mana maso'da nai makahatuk dale kala, tao-no'i ka. Dede'a nasafali na, ela leo bee na, emi tu'u-tapa heni basa dede'a matak leo sila kala. (