KIDUNG AGUNG 4:3 - Susula Malalaok Hehelu Palak Ma Hehelu Beuk

³ O difadoom-ma, sama leo tema pilas bibiak esa, ma o bafam-ma mana'ahiik. O nasebu'um-ma, sama leo dalima boa seselik, nafuni nai o lalaa langam dale.

KIDUNG AGUNG 4:3 Referans Kwoze

KIDUNG AGUNG 6:7

O nasebu'um-ma, sama leo dalima boa seselik, nafuni nai o lalaa langam dale.

KIDUNG AGUNG 5:16

Hala-kokolan makeek nanseli aoinan-na lala'en-na nadoe dale, au touana susueng, ma au tia-laing-nga leondiak, hai anafe'oana Yerusalem-mala lemin!

YOSUA 2:18

Ka'da o muse tao dede'ak esa nde ia. Mahani te, metema ami sapu-ma emi nusam-ma soona, ela leo been-na, o pa'a tali pilas ia neu jendela ia, nai mamanak fo o makona ami-a. Ela leo been-na, maloo makabubua o ina-amam, o talonoom-mala, o amam teidalen-nala, mai uma ia.

IBRANI 9:19

Makasososa na, Musa nafa'da Manetualain paleta kasanahulu na neu hataholi Israe la. Basa ndia boema, Musa ho'i na sapi a daa na, ma bi'i hii mane a daa na, de ana sese'do kana no oe, de basa boema, ana pisin neu Manetualain Susula hoholo-lalanen, ma neu basa hataholi Israe la. Ana pisi ninik na'u esa na'de, hisop doo na, ma bi'ilopo pila balanggeo ka, bulu na.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

LUKAS 4:22

Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

KIDUNG AGUNG 7:9

o bafam-ma makeek leo oe angol-la. nemen-na fo angol ndia oen-na faa leo au touana susueng-nga neu no ta ketu basa fan; ma nafofo'a susue tou-ta'ek, nakalenak soaneu hataholi bei manasunguk-kala.

KIDUNG AGUNG 5:13

Nasebu'un-na, sama leo osi bumbu kaboomenik, difadoon-na nde been-na, bunga tale manati'ti lalutei isik.

KIDUNG AGUNG 4:11

O hala-kokolam makeek au saoinang-ngo sama leo fanioe ma kapoe isik-ka. O papake-ngganggaom naboomeni sama leo Letek Libanon-na.

AMSAL 31:26

Ana kokolak no dale mangana'uk; dede'a kokolan manatee-tenok.

AMSAL 10:13

Hataholi dudu'a-aafi matane-a, kokolak dede'a-kokolak manatee-tenok; hataholi nggoak-ka, paluu filuk-kana nenik ue.

MAZMUR 119:13

Au po'a-benga apane'e basa hoholo-lalanek fo, O fe kala.

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MAZMUR 37:30

Hataholi malole-a, hala-kokolan manatee-tenok, ana kokolak ndoos tataas esa, nai hala-kokolan-na dalek.

EZRA 9:6

Au afa'da ae, “Ou au Manetualaing, au mae botik au langang-nga nai O matam-ma. Ami sala-singom nadodou nai ami langam lain, losa ana koila'e lalai-a.

BILANGAN 19:6

Basa soona, imam-ma muse ho'in-na ai aras bibiaanak esa, hanoe ndanak esa, ma tali pilas esa, fo ana tapan leo ha'i manahotu sapi pilas ndia, tala'da neu.

BILANGAN 4:8

Ala muse poti ketu basa sila-la nenik tema pilas biak esa, boema ala bela bana lou mangana'u anak esa neu lain, ma ala tao mei ndia ai ndondolon-nala neu.

IMAMAT 14:6

Muse dope manupui esak-ka no ai kaiou, tali pilas-sa ma aiana hisop-pa ndanan-na leo manupui nanado'do basak-ka, daan dale neu.

IMAMAT 14:4

imam-ma nadenun, fo neni manupui kalaok ta nalulik dua, no ai kaiou biak esa, tali pilas esa, ma aiana esa na'de hisop, ndanan esa.

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

KIDUNG AGUNG 1:5

Leomae au nggeok, tehu au mata makeek, hai anafe'oana Yerusalem-mala lemin; nggeok sama leo Kedar lalaa teman-nala, tehu mana'ahiik sama leo tema lelesu manai Salomo uma manen-na!