KELUARAN 9:7 - Susula Malalaok Hehelu Palak Ma Hehelu Beuk

⁷ Manek-ka natane hata fo ana da'di so, boema ala tuin lae ta mate hataholi Israel-la bana-manun esa boen. Tehu, manek-ka nalanga batu, de ana ta nau po'i leoina ndia la'o fa.

KELUARAN 9:7 Referans Kwoze

KELUARAN 7:14

Basa boema, Manetualain nafa'da Musa nae, “Manek ndia nalanga batu nanseli; ana ta nau po'i leoina Israel-la la'o fa.

KELUARAN 8:32

Tehu oek ia boe, manek-ka nalanga batu, de ana ta po'i leoina ndia, la'o fa.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

DANIAL 5:20

Tehu nai lelek ana koao-ndaeao, langa batu ma ana tao hataholi no dale susue-lalai tak boema, nanaloli henik neme kandela manen lain mai, nalosa mopo ndela-sa'an.

YESAYA 48:4

Au bubuluk, ae o dalem-ma natea, ta tunga paleta, ma langa batuk.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

KELUARAN 9:12

Tehu Manetualain tao-na manek-ka da'di nalanga batu, de sama leo hata fo Manetualain nafa'da basan nae, manek-ka ta nau taoafik neu Musa no Harun hala-kokolan fa.

KELUARAN 7:13

Leomae leondiak boe, manek-ka nalanga batu nahele, de ana ta taoafik neu Musa no Harun dede'a-kokolan, sama leo Manetualain nafa'da basak-ka so.

KELUARAN 9:8

Manetualain nafa'da Musa no Harun nae, “Ho'i-ma, afu nafanggetek de'ubee neme la'o dale mai. Fo Musa muse tapa afu ndia leo lalai neu, nai manek-ka matan.

KELUARAN 3:19

Basa boema, Manetualain nafa'da seluk nae, “Au bubuluk mane Masir-ra, neukose ta po'i emi meu fa, te ka'da metema nananakasetik.