KELUARAN 8:27 - Susula Malalaok Hehelu Palak Ma Hehelu Beuk

²⁷ Ami muse meu leo mook solokaek-ka meu, fo dodoon-na la'ok faik telu, soaneu ami tunu-hotu tutunu-hohotuk neu Manetualain, fo ami Manetualaim-ma, sama leo paletan neu ami-a.”

KELUARAN 8:27 Referans Kwoze

KELUARAN 3:18

Neukose Au anang-ngala, lamanene o hala-kokolam. Basa soona, o sama-sama moo basa mane leo Israel-la, muse meu leo manek Masir-ra meu, fo mafa'dan mae, ‘Manetualain, fo hataholi Ibrani-la Manetualain-na, Ana mai, de natu'du basa aoinan-na neu ami so. Besak ia po'i ami, fo ami la'ok faik telu dalen-na leo moo solokaek-ka meu, fo ami tunu-hotu tutunu-hohotuk fe Manetualain, fo ami Manetualaim-ma.’ ”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

IMAMAT 10:1

Faik esa boema, Nadab ma Abihu ho'i-la sila mamana tunu boomenin-na, de ala tao ha'ikaak leo dalek neu. Boema ala tao boomenik leo ha'i ndia dalek neu, de ala tunu-hotu fen neu Manetualain. Tehu ha'i ndia, ha'i nalulik, nanahu Manetualainta nadenu sila tunu-hotu fan.

KELUARAN 34:11

Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

KELUARAN 10:26

Ami muse meni la'iesak ami bana-manum; neukose ami ta la'oela esa boen. Neme bana-manu sila-la mai, ami hapu hele beek-ka nde, neukose ami tunu-hotun soaneu Manetualain fo ami Manetualaim-ma. Ami losa naa soona, besak-ka ami bubuluk, ami hele bana beek-ka, fo ami tunu-hotun.”

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

KELUARAN 5:3

Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”