KELUARAN 4:5 - Susula Malalaok Hehelu Palak Ma Hehelu Beuk

⁵ Manetualain nae, “Taon leondiak, fo ela hataholi Israel-la lamahele, lae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so.”

KELUARAN 4:5 Referans Kwoze

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KEJADIAN 48:3

Yakob nafa'da Yusuf nae, “Manetualain Fo Manakoasa, natu'du aoinan-na neu au neme Lus, nai dae Kanaan-na de Ana fe baba'e-papalak neu au so.”

KEJADIAN 26:2

Ana tao leondiak, nanahu Manetualain natu'du basa aoinan-na neun so, de nafa'da nae, “Boso muu leo Masir muu; leo mahele meme nusak ia, sama leo Au paleta basan neu so.

KEJADIAN 18:1

Manetualain natu'du aoinan-na neu Abraham nai mamanak fo, deka no ai manituk-la nai mamana makaluku-makatele manai Mamre. Nai lelek ndia, le'do nahaa nanseli, de Abraham nangatuuk nai uma ofun-na lelesun-na.

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

YOHANIS 11:42

Au bubuluk O mamanene Au tunga faik, tehu Au afa'dak ia, soaneu hataholi fo manai ia la, fo daenga ela lamahele lae, O nde madenu Au a.”

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

HATAHOLI 7:2

Boema Stefanus nae, “Ina ama tolanoo, ka'a-fa'di ngala lemin! So'ba emi mamanene su'dik au dei! Te ita ba'ikain Abraham beita hukahai leo Haran neu fa, lelek ndia ana bei leo neme Mesopotamia. Boema Manetualain fo Mandela-masa'ak ndia ana mai,

YOHANIS 20:31

Tehu ala sulak basa ia la, fo daenga ela emi mamahele mae, Yesus nde been-na Mane Mana Fe So'dak fo Manetualain Anan, boema hu ka nde emi mamahelen, de emi hapu maso'da ka.

YOHANIS 20:27

Basa boema Yesus nafa'da Tomas nae, “Mete Au lima nga, fo tao o lima ku'uma neu bisu piik ia la leona. Boema lok o lima ma mai fo taon neu Au kaisu nga, fo o dalem-ma boso boe naba'e bai, tehu mamahele leona!”

YOHANIS 11:15

Tehu Au amahoko, nanahu Au ta nai naa fa, ninik malole lenak soaneu emi, fo ela emi hapu mamahele. Besak ia, mai leona fo ata teu leo Lasarus teu.”

YOHANIS 5:36

Tehu Au sakasii nga ba'u lenaheni Yohanis sakasii na. Au tao-no'i hata nai besak ia soona, Ama ka nde fe Au tatao-nono'ik ndia, fo ela ana da'di ta'du esa nae, Ama ka nde nadenu Au a.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

YESAYA 7:9

Israel balakain-na, ta lena neme Samaria, fo Efraim nusan-na polon-na, ma Samaria balakain-na, ta lena neme Manek Pekah mai fa. Metema emi ta mamahele te'e-te'e neu Au fa soona, tao leo bee-o, emi ta bisa makatatakak fa.”

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

KELUARAN 4:1

Boema, Musa nataa Manetualain nae, “Tehu tao leo beek, fo leounik-ka hataholi Israel-la ta nau lamahele ma ta nau taoafik neu au hala-kokolang fa? Metema, leounik-ka lafa'da lae Manetualain ta natu'du aoinan-na neu au fa soona, au muse tao beek?”

KELUARAN 3:18

Neukose Au anang-ngala, lamanene o hala-kokolam. Basa soona, o sama-sama moo basa mane leo Israel-la, muse meu leo manek Masir-ra meu, fo mafa'dan mae, ‘Manetualain, fo hataholi Ibrani-la Manetualain-na, Ana mai, de natu'du basa aoinan-na neu ami so. Besak ia po'i ami, fo ami la'ok faik telu dalen-na leo moo solokaek-ka meu, fo ami tunu-hotu tutunu-hohotuk fe Manetualain, fo ami Manetualaim-ma.’ ”

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

KEJADIAN 28:13

Ma Amak-ka napadeik nai boboan-na de nafa'da nae, “Au nde Manetualain, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

KEJADIAN 48:15

Basa ndia boema, ana fe Yusuf baba'e-papalak, nae, “Manetualain, Ndia nde Amak, fo Abraham ma Isak lamahelen, Ndia nde hela-nole au losa besak ia;

KELUARAN 3:4

Manetualain, nita Musa neu deka no mamanak ndia, boema naloo bou-bou neme makatemak ndia tala'da mai, ma nae, “Musa! Musa!” Boema, Musa nataa nae, “Au nde ia.”

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

KELUARAN 4:4

Manetualain nafa'da Musa nae, “Muu deka moo menge ndia, fo ho'u-ma ikon-na”. Musa neu deka non, de ana ho'un-na menge ndia, boema no lai-laik nasafali seluk da'di aitete'ek, nai Musa liman dale ndia.

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.