KELUARAN 4:15 - Susula Malalaok Hehelu Palak Ma Hehelu Beuk

¹⁵ Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.

KELUARAN 4:15 Referans Kwoze

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

LUKAS 21:15

Au nde neukose fe emi dede'a-kokolak ma manatee tenok ndia, nalosa ta hapu hataholi esa boen neme emi musu noo ma hapu la'ban do lalelesi hata fo emi mafa'da ka.

ULANGAN 18:18

Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.

BILANGAN 23:16

Manetualain natongo Bileam, de nafa'dan hata fo, muse nafa'dan, boema nadenun fali ne'un leo Balak neu, fo nanduku-nalosak Manetualain hala hehelun ndia.

BILANGAN 23:12

Bileam nataa nae, “Au afa'da ka'da hata fo, Manetualain nadenu au afa'dan.”

BILANGAN 23:5

Boema, Manetualain nafa'da Bileam, hata fo muse nafa'dan, de nadenun fo ana fali ne'un leo Balak neu, fo nanduku-nalosak Manetualain hala hehelun-na neun.

YEREMIA 1:9

Basa ndia boema Manetualain look liman-na mai, de nafaloe au bafang-nga, boema nafa'da nae, “Mamanene leona, fo po'a-benga dede'a-kokolak fo, Au afa'dak ia-la.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

2 SEMUEL 14:3

Basa soona, muu leo manek-ka muu, fo mafa'dan mae leo ia.” Boema Yoab nafa'dan hata fo muse nafa'dan.

BILANGAN 22:38

Bileam nataa nae, “Nah, besak ia, au mai so. Tehu, au ta anuu haak afa'da hata esa boen, te ka'da Manetualain nde nadenu au afa'dan-nana.”

KELUARAN 4:12

Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”

1 KORINTUS 11:23

Nana hata fo au anolin neu emi ndia, au sipon neme Lamatua ka mesa kana mai fo nae: nai le'odaek ndia, nai lelek Yesus fo ita Lamatua na nanake'dindiu ka, Ana ho'i na loti,

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’

1 KORINTUS 15:1

Ma besak ia, tolano-tolanoo ngala lemin, au nau emi mafandendele seluk, Hala Malole maneme Manetualain mai fo au tui-benga akahulu kana neu emi so. Emi sipo man de emi mamahele Kristus, nana Hala Malole ndia.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 4:28

Musa tui Harun, basa hata fo Manetualainnafa'da neun, nai lelek nadenun fali leo Masir neu, boeo ana tuin la'eneu basa manada'di beuk, fo muse ana taon.

KELUARAN 4:30

Harun nanduku-nalosak neus, basa hata lala'en fo Manetualain nafa'dan neu Musa, de Musa tao basa manada'di beuk-kala, nai hataholi sila-la matan.

BILANGAN 16:28

Boema Musa nae, “No enok ia, de neukose emi bubuluk mae Manetualain nadenu basa au, fo tao basa ia-la, ma emi bubuluk mae au hihii-nanau mesang ta ndia fa.

SEMUEL SUSULAK-KA ESAN-NA 16:3

Boema ka'i Isai, fo neu leo feta tutunu-hohotuk ndia neu. Mahani te, Au sanga afa'da o, hata fo neukose o muse tao-no'in. Hataholi fo Au atu'dun neu o ndia, muse o ndo ein da'di manek.

MAZMUR 51:15

Soona neukose au anoli O paletam-ma neu hataholi masala-masingok-ka, fo ela ala fali ma'is leo O mai.

YEREMIA 36:32

Boema au ho'i-a susulak nanalunuk beuk-ka de au fen neu Barukh fo au manasulang-nga. Boema ana sulak basa hata fo au afa'dak neun nana, fo nde susulak nanalunuk makasososak-ka isin-na, ma tama seluk hehelu-hoholo fe'ek de'ubee saman-na lediak boe.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.