KELUARAN 38:21 - Susula Malalaok Hehelu Palak Ma Hehelu Beuk

²¹ Susulak fo nana sulak bua kabelik fo nanapakek nai Manetualain Lalaa Teman dale nde, batu ka duak fo Manetualain Paleta ka Sanahulun sila-la mamana pepe'dan-na nde ia. No Musa paletan-na de susulak ndia nanataok, ma hataholi Lewi-la sulak matalololen de Itamar fo Imam Harun-na anan-na de nauli-nalanga.

KELUARAN 38:21 Referans Kwoze

HATAHOLI 7:44

Uma Lopo fo Manetualain mamanan fo Ana mai neu hataholi daebafa ka, hapun nai ita bei ba'ikai nala neme mo maloa. Manetualain paleta Musa fo ana tao Uma Lopo ndia, tunga natutu'duk fo Manetualain natu'dun neu Musa.

2TAWARIKH 24:6

Hu ndia de namoo Imam Yoyada, fo sila mauli-malangan-na, boema nae, “Ade Musa fo Manetualain atan-na ta nadenu laun-na bae bea soaneu Manetualain Uman-na tao nahii-na fa do? Besak ia, tao le'e de Ama ta makaseti hataholi Lewi sila-la fo leu susu bea neme laun manai Yehuda ma Yerusalem-mala mai fa?” (

BILANGAN 10:11

Leoina Israel-la la'oela Masir neu teu ka dua-na, fo nai hataholi Yahudi-la bula ka dua-na, fain duahulu, ko'as-sa kae neme Manetualain Lalaa Teman lain mai.

BILANGAN 9:15

Nai faik fo Manetualain Lalaa Teman-na nananapadedeik-ka, ko'as-sa mai, de ana poti-na Lalaa Temak ndia. Ko'as ndia nai Lalaa Temak lain, nai fai le'odaen-na losa fafaik, fo meten soona, sama leo ha'i-a.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 1:50

Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 18:2

O muse pake o tolano ka'a-fa'dim ma hataholi Lewi-la, da'di leo manatulu-fali, nai lelek o makalala'ok o bela-ba'um, ma o anam-mala bela-ba'un.

KELUARAN 6:23

Korah anatoun telu, fo nde: Asir, Elkana ma Abiasaf. Fo leo-ingu Korah bei-ba'i kain nde hataholi sila.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

2 PETRUS 1:13

Nai lelek fo au bei aso'da, au ame'dan, au muse fe emi nasanene'dak la'eneu dede'ak sila la.

IBRANI 9:11

Tehu Kristus mai basa da'dileo Imam Matua Ina neme dede'a-dede'a malole nanatao na kala so. Manetualain Uma Lopon fo nai bee, Ana tao-no'i bela-ba'un da'dileo Imam Matua Ina nde bee na, Uma Lopo fo matua-mademan lena ma matetu-mandaan lena. Hataholi daebafa ka ta nde tao nana fa; sosoa na nae, ta neme daebafak fo nananakadada'dik ia mai fa.

IBRANI 8:2

Ana tao-no'i bela-ba'un, da'dileo Imam Matua Ina nai Kama Malalaok nanseli a, fo nde nai Manetualain Uma Lopon isi-isi na dalek, fo Manetualain nde napadedei kana, te ta hataholi daebafa ka fa.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

MATEOS 17:4

Boema Petrus nafa'da Yesus nae, “Lamatuak, ita leo nai mamanak ia soona mana'a hiik. Hu ndia de, metema Lamatua ka nau soona, au tao a lalaak telu mai ia: fo Lamatua ka soa esa, Musa soa esa, ma Elia soa esa.”

MAZMUR 15:1

Dauk kokoa-kikiok. Manetualain, see kande bole leo nai O Lalaa temam dale, ma ana leo nai O pupuku malalao-malalafum-ma.

AYUB 26:1

Tehu Ayub nataa nae, “O malelam-ma seli, fe tutulu-fafalik neu au, fo hataholi manamale-tale, ma manasota-manguk ia!

AYUB 22:23

Fali leo Manetualain mai, no dale taidaek ela leo been-na, tatao-nono'i mangalauk manai o umam-ma, mate'en leona.

AYUB 11:4

Tunga o hahapum-ma, o hala-kokolam sila-la, ta sala fan; tunga o hahapum-ma, o malalaok nai Manetualain matan.

1 TAWARIKH 6:3

Amram anatoun 2, fo nde: Harun ma Musa, ma anainak esa, fo nde Miryam. Harun anatoun 4, fo nde: Nadab, Abihu, Eleazar ma Ipopo-tamar.

BILANGAN 24:5

O lalaa tema oofum-mala, lalole-lanapu lanseli, hai Yakob, ma o mamana leleom-mala, hai Israel!

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

KELUARAN 26:33

Lolo'e temak ndia neu soloka'do makadadalak-kala dae, fo nai Lalaa Temak-ka lain. Muse pe'da Peti Hehelu-balataak fo batu ka duak-kala lai dalek ndia neu temak ndia dea. Temak ndia ta'da Kama Malalao-malalafuk-ka no Kama Malalao-malalafuk nanseli-a.

KELUARAN 25:16

Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

NINITAK 15:5

Basa ndia boema, au ita Manetualain Uman manai nusa so'da ka natahuka, de au ita Manetualain Uma Lopo na nai dalek.

KELUARAN 38:20

tehu ai papakuk soaneu Lalaa Temak ma soaneu pa'an-na, ana taos neme liti mai.

KELUARAN 38:22

Bezaleel, fo Uri anan-na, ma Hur fo neme leo Yehuda, upun-na, tao basa hata lala'en fo Manetualain paletan.