KELUARAN 34:21 - Susula Malalaok Hehelu Palak Ma Hehelu Beuk

²¹ Hapu faik nee soaneu naue-nale'di; boso maue-male'di nai faik-ka hitun-na, leomae nai fai sele-nggalik do fai ketu-koluk.

KELUARAN 34:21 Referans Kwoze

KELUARAN 23:12

Nai mamasok esa dalen-na, emi bole maue-male'di faik nee dalen-na, tehu neu fai ka hitun-na, emi muse hahaeaom, fo ela emi bana-manum, emi atam-mala ma hataholi nusa dea fo manamaue-male'di fe emi-a, ala hapu hahaeaon-nala boe.

LUKAS 13:14

Malanga uma mamasok ndia namanasa de nae, Yesus nakahahaik hataholi nai fai Saba ta, hu ndia de nafa'da hataholi la nae, “Hapu faik ne soaneu taue-tale'di, hu ndia de mai la'e faik sila la fo nakahahaik o, fo boso nai fai Saba ta!”

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.

ULANGAN 21:4

Ala muse leni sapi ndia, leo lee manama'dak taak esa nai ndia, fo daen-na bei nanafoi-fala taak, ma nanasele tani bei taak, neu dae manai lee ndia su'un-na fa. Nai mamanak ndia ala muse helula'di sapi ndia lesuha'in-na.

KELUARAN 35:2

Hapu faik nee soaneu naue-nale'di, tehu nai faik-kahitun-na nde been-na, faik soaneu hahaeaok, fai malole fo nanahele hehelik ba'eneu Manetualain. See naue-nale'di lae fai Sabat-ta soona, muse nanahukunisak.

LUKAS 23:56

Basa boema ala fali de ala sadia bunga-henasina ma mina kaboominik fo ala pisi neu Yesus popola na. Nai fai Saba ta ala hahae ue-le'dis, fo tao tunga agama hoholo-lalanen.

YESAYA 30:24

Sapi mane ma keledei fo manafoi-fala emi tinam-ma, neukose la'a nana'a bana neulauk, fo nanasadia hehelik soaneus

KEJADIAN 45:6

Besak ia, besak-ka teuk la'andoes ka dua, de nai teuk lima seluk dalen-na, neukose hataholi-a ta foi-fala do ketu-kolu fa.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

NEHEMIA 13:15

Nai tepo-lelek ndia, au ita ae nai fai Sabat-ta, hataholi de'ubee nai Yehuda, ala ka'bi angol. Hapu nggelok seluk bai soona, ala fua gandum, angol, angol boak, kaa boak ma bua-lo'a fe'ek nai keledein-nala lain, de lenis leo Yerusalem neu. Au kena-ka'is fo boso lase'o nai Yerusalem.