Biblia Todo Logo
Bib sou entènèt

- Piblisite -




KELUARAN 34:11 - Susula Malalaok Hehelu Palak Ma Hehelu Beuk

11 Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

Gade chapit la Kopi




KELUARAN 34:11
23 Referans Kwoze  

Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.


Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.


Metema no lilinekak, ita tunga basa paleta lala'en fo, ita Manetualain paletan neu ita, soona neukose Ana sue-lai ita.’ ”


Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.


Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.


Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”


Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”


“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.


Tao-no'i basa hata lala'en fo, au paletan neu emi; boso popo-tama do ho'i heni faa anak boen.


Metema emi taoafik matalolole neu basa hata lala'en fo, au paletan neu emi, soona emi tao tatao-nono'i malole fo nandaa no emi Manetualaim-ma dalen-na, nalosa emi moo emi tititi-nonosim-mala, so'da-molek ma tetu-temak, losa dodoon-na.”


Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.


Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.


Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”


Neukose, Au tao-a emi musum-mala lalai kii-konak ma Au usi heni leoina Hewi, Kanaan ma Het neme emi matam-ma mai, fo ela emi hapu tutulumatak.


Manetualain nasulu-nahapa emi tataas esa, Alun fo manaketu-basa taak-ka, Ana tia-to'ba emi. Ana usiheni musu-a, neme emi matam-ma mai, fo nadenu emi, tao mamate-mamopos.


Nai tepo-lelek ndia, au ita hataholi Yahudi ba'uk-ka, ala sao inak-kala leme leoina Asdod, Amon ma Moab mai boe.


Ami muse meu leo mook solokaek-ka meu, fo dodoon-na la'ok faik telu, soaneu ami tunu-hotu tutunu-hohotuk neu Manetualain, fo ami Manetualaim-ma, sama leo paletan neu ami-a.”


Metema, emi meu mata'ti moo leoina sila-la soona, emi Manetualaim-ma, neukose tao-na leoina sila-la lakadedeak, fo lalai leme emi mai. Neukose emi soa sila nusan-na, sama leo emi Manetualaim-ma, helu basan neu emi so.


Kanaan nde been-na hataholi Yebusi, Amori, Girgasi,


Swiv nou:

Piblisite


Piblisite