KELUARAN 34:10 - Susula Malalaok Hehelu Palak Ma Hehelu Beuk

¹⁰ Manetualain nafa'da Musa nae, “Besak ia, Au tao hehelu-balataak o leoina Israel-la. Nai sila matan, neukose Au tao manada'di beuk, fo leoina manai daebafak-ka beita la'iesa fo ala tao hain. Basa leoinak-kala, neukose lita manada'di beuk fo Au taok-kala, nana Au, Manetualain neukose tao hata esa neni bibii-namata'uk nanseli ba'eneu emi.

KELUARAN 34:10 Referans Kwoze

ULANGAN 10:21

Koa-kion, nana Ndia nde emi Manetualaim-ma. Emi mita matam, Ana tao fe emi, tatao-nono'i matuaina-la, ma maneni bibii-namata'uk-ka.

MAZMUR 77:14

Ou Manetualain, basa O tatao-nono'im lala'ena, malalao-malalafuk, see kande ba'u ami Manetualaim-ma?

YESAYA 64:3

O tao hai, tatao-nono'i matuaina, fo ami ta dudu'a-dodoo mita fan. O kona mai, de letek-kala langgengo nai O matam-ma.

MAZMUR 66:5

Mai leona, fo mete Manetualain tatao-nono'in, tete'ek-ka, tatao-nono'in matua-madema nai hataholi daebafak-ka tala'da!

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

MAZMUR 78:12

Nai sila bei-ba'i kain-nala matan, Manetualain tao manada'di beuk-kala, neme nusa Masir-ra, fo nai masadokek Zoan-na.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

YOSUA 6:20

Boema, basa imam-mala, puu pupuun-nala. Ma hataholi Israel-la lamanene pupuuk-kala liin-na tu'tik-ka, ala eki lapane'e, de ndefa heni kota Yerikho-a, papala nanadaman-na. Basa solda'du Israel-la lala'en-na kae tutik, de leu leo kota ndia dalek leu, fo langatuu-lan.

KELUARAN 34:27

Manetualain nafa'da Musa nae, “Sulak-ma dede'a-kokolak sila-la, nanahu no dede'a-kokolak sila-la de Au tao hehelu-balataak no o ma no leoina Israel-la.”

MAZMUR 145:6

Ala tui-benga O tatao-nono'i matuainam-ma, neukose au tui O matua-mademam.

MAZMUR 106:22

Tete'ek-ka, tatao-nono'in nai nusak ndia, anseli nanseli, Ana tao manada'di beuk neme Tasi Gelagah.

MAZMUR 76:12

Tao matetu o hehelu-balataam neu o Manetualain. Ela leo been-na, basa leoina fo, ala leo deka, leni tunu-hotuk ba'eneu Manetualain fo, nanabii-namata'uk-ka.

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

ULANGAN 4:13

Ana po'a-benga neu emi, neme naa mai, la'eneu hata fo emi muse tao-no'in, soaneu emi tao matetu hehelu-balatak fo Ana taon no emi-a. Ana sulak basa Paleta ka 10-kala, neu batu lei ka duak-kala lain ndia, emi muse tao tungan.

MAZMUR 68:35

Manaku Manetualain koasan-na lole-napun, hapun nai Israel lain, koasan-na, nai ko'as-sala dalek.

KELUARAN 34:28

Musa leo no Manetualain nai ndia, lele'dok 40, le'odaek 40, ma nai lelek ndia, ta na'a-ninu fa. Hehelu-balataak ndia isin-na nde, Manetualain Paletak-ka 10n-na, fo nanasulak nai batu bebelak ndia lain.

ULANGAN 9:19

Au bii-amata'u neu Manetualain nasa-melun fo, manapila lo'a-lo'ak-ka neu emi, nalosa emi nau, Ana tao namate-namopo emi, tehu oek ia boeo, Manetualain namanene au dokodoeng-nga.

MAZMUR 72:18

Kokoa-kikiok ba'eneu Amak, fo Israel Manetualain! Ka'da Ndia nde manatao dede'a matuaina-la.

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

MIKHA 7:15

Tao manada'di beuk soaneu ami leon, ou Manetualain, sama leo makahulun-na O taon, nai lelek O moo falik ami neme Masir mai.