KELUARAN 32:15 - Susula Malalaok Hehelu Palak Ma Hehelu Beuk

¹⁵ Musa kona falik neme letek ndia lain mai, ma neni batu bebelak ka duak fo Manetualain paletan-nala nanasulak nai boboan duas.

KELUARAN 32:15 Referans Kwoze

ULANGAN 9:15

Boema lepos asadea, de au ko'o eni batu hehelu-balataa ka duak sila-la nenik au limang duas, boema au kona eme letek fo, manapila lo'a-lo'ak ndia lain mai.

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

ULANGAN 5:22

Nai lelek emi makabuba meme letek lain-na, Manetualain fe emi paleta-la nde sila. Nai lelek Ana kokolak no hala-na nanggunggulu neme ha'i dale, ma koas makate dale mai-a, Ana fe paleta-la nde ndia, te ta paleta fe'ek fa. Boema, Ana sulak-kana neu batu lei dua lain, de Ana fen leo au mai.”

KELUARAN 40:20

Basa boema, ana pe'da batu ka duak sila-la leo Peti Hehelu-balataak dale neu. Boema Musa tatana Peti ndia tatanan neu de ana tao ai ndondolon-nala leo suek-kala dalek neu.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 16:34

Boema Harun nakatetene uledae ndia neu Peti Hehelu-balataak-ka matan-na, fo ala pe'dan, nandaa no Manetualain, paletan-na neu Musa.

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

2 KORINTUS 3:7

Nai lelek hehelu-balataak fo manini mamates ndia nanataok ma nanadoki-dulak neu batu a, Manetualain ndela-sa'an nandela-nasa'a neu Musa mata panan. Sa'a na nandela-nasa'a leondiak, nalosa leoina Israe la ta labe'i lakanae Musa mata panan, leomae sa'ak manai mata panan ndia ana mulai keluha'bu nai lelek ndia. Naa, metema hehelu-balataak fo nanataok, fo manini mamates ndia nanapaku nisak ninik Manetualain ndela-sa'an fo mandela-masa'ak matuaina leondia ka,

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 32:16

Manetualain mesak-kana nde tao batu ndia, de Ana doki-dulak paletan-nala nai ndia.

KELUARAN 34:29

Lelek Musa kona neme Letek Sinai lain mai, te neni Paleta ka Sanahuluk sila-la, mata-panan nandela-nasa'a nanahu ana kokolak no Manetualain so, tehu Musa ta bubuluk nae mata-panan nandela-nasa'a fa.