KELUARAN 30:8 - Susula Malalaok Hehelu Palak Ma Hehelu Beuk

⁸ Ana tao leondiak boe, nai lelek ana de'de banuk-ka nai fai le'donoson-na. Tutunu-hohotu boomenik ndia, muse taon nakandondoo henin neme bobongik leo bobongik neu.

KELUARAN 30:8 Referans Kwoze

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

1 TESALONIKA 5:17

ma hule-haladoi tataas esa.

ROMA 8:34

Ade hapu hataholi nau fe salak neu ita do? Soona, mahani te Kristus Yesus nde nasala'e ita! Ndia nde manamate basa ka, ma naso'da falik neme mamate sa mai, de nangatuuk nai Manetualain boboa kona na.

KELUARAN 12:6

Emi muse pa'a mahelen losa bulak-ka fain sanahulu haa. Nai faik ndia le'donoso-na soona, basa hataholi Israel-la lala'e-na, muse do'do bi'ilopoana ndia.

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 30:7

Tunga-tunga fafain-na, nai lelek Harun mai sadia banuk-ka, muse ana tunu boomenik nai mei tunu-hotuk ndia lain.

KELUARAN 30:9

Boso tunu-hotu boomeni fe'ek, tutunu-hohotuk bana-manu do tutunu-hohotu nana'a-nininuk nai mei tunu-hotuk ndia lain; boeo boso di'a angol leo mei tunu-hotuk ndia lain neu.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

2TAWARIKH 26:18

soaneu ala lena-la'ban tatao-nono'in ndia. Lafa'da lae, “Ama Manek Fo Mandela-masa'ak! Ama Manek ta nanuu hak hotu boomenik soaneu Manetualain fa. Imam-imam fo Harun tititi-nonosin bela-ba'un ndia, nana sila nde nanahele hehelik soaneu bela-ba'uk ndia. Ela leo bee na Ama Manek la'oela mamana malalao-malalafuk ia.! Ama Manek la'ban basa Manetualain so, de Ama Manek ta hapu ha'da-holomatan so'on.”

MAZMUR 141:2

Sipo-ma, au huhule-haladoing, da'di leo tunu-hotu boominik, ma au limang fo, nanaso'uk-ka, da'di leo tutunu-hohotu le'odaek.

KELUARAN 25:37

Taom-ma banuk hitu neu banu eik ndia, soona pe'da matalololen fo daenga pilan-na leo uluk neu.