KELUARAN 30:1 - Susula Malalaok Hehelu Palak Ma Hehelu Beuk

¹ Manetualain nafa'da seluk Musa nae, “Taom-ma mei tunu-hotuk esa neme ai akasia mai, fo da'di mamanak tunu boomenik.

KELUARAN 30:1 Referans Kwoze

NINITAK 8:3

Ata nusa so'da fe'ek esa nini mango tutunu boominik lilopilas esa ana mai de napadeik neu mei tutunu-hohotu ka mata na. Ala fen boominik makadotok nanseli fo ana po'an neu basa Manetualain hataholi kamahehele nala huhule-haladoin fo ana tunu-hotus nai mei tutunu-hohotu lilopilas manai kandela mane ka mata na.

IMAMAT 4:7

Muse, ana lose daak ndia seli neu mei tunu-hotu boomeni kaboomenik-ka, susulan manai bu'un haas, nai Lalaa Temak dale, boema, muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na, uluk.

KELUARAN 40:5

Pe'da mei tunu-hotu lilopilas fo mamanak tunu boomenik-ka neu Peti Hehelu-balataak-ka matan-na, ma lolo'e tema lelesu neu Lalaa Temak lelesun-na.

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

1RAJA-RAJA 6:20

Kama ndia nanalun, loloan, ma dedema na bekedede'uk fo nde metel bekesiok. Mei tutunu-hohotuk ma nai Kama Malalao-malalafuk ndia matan-na, nanataok neme ai kaiou Libanon-na mai. Nai lelesu masok leo kama ndia neu a, ala lolo dopelele'u namosina lilopilas neun. Basa Manetualain Uman ndia dalen-na lala'en-na fo Kama Malalao-malalafu na ma mei tunu-hotu na boeo, nananakatatamak nenik liliopilas isik.

IMAMAT 4:18

Muse, ana lose daak ndia seli neu mei tunu-hotu boomenik-ka susulan manai bu'un haas, nai Lalaa Temak dale, boema muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na bafan-na.

KELUARAN 30:10

Harun muse tao nalalao-nalalafu mei tunu-hotuk-ka teuk esa la'iesa nenik ana pisi mei tunu-hotuk-ka bana susulan haas nenik bana fo nanatunu-hotuk soaneu sala-singok hapu do'o do ampon, daan-na. Ana muse tao leondiak tunga teuk ma neme bobongik leo bobongik neu. Mei tutunu-hohotuk ndia muse malalao-malalafuk ma nanafe hehelik soaneu Au.”

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

KELUARAN 30:2

Taom-ma mei tunu-hotuk ndia muse balakak; nanalu-loloan senti beke 45, ma dedeman-na senti 90. Tao bana susulak neu bu'un haas, fo da'di esa no mei tunu-hotuk ndia.

KELUARAN 35:15

mei fo mamanak tunu boomenik-ka no ai ndondolon-na, mina feta, boomenik kaboomenik; tema lelesu soaneu Lalaa Temak lelesun-na,

BILANGAN 3:31

Sila nde mete-lakanae Peti Hehelu-balataak, mei, banu eik, mei tunu-hotuk-kala, hata-heto fo imam-mala paken nai Kama Malalao-malalafuk dale, ma tema lelesu fo manata'da fe'e Kama Malalao-malalafuk-ka. Ala mete-lakanae basa tatao-nono'ik lala'en fo bei natu'tik no bua-lo'as sila-la.

1RAJA-RAJA 7:48

Mane Salomo boeo nadenu tao lamadai bua-lo'a fe'ek neme lilopilas sa mai soaneu Manetualain Uman-na. Bua-lo'a nanatao namadai kala nde ia: Mei tutunu-hohotuk Mei soaneu loti fo ala fen neu Manetualain Banu eik sanahulu fo ala taon nai Kama Malalao-malalafu ka matan-na, fo lima lai boboan kona ma lima lai boboan kii Bunga la Banu kala Sepit-sepit Mangotee Buas soaneu taonisa banu ka Mango la Pingak soaneu boomenik Pingak soaneu ha'ikaa bei manapilak Hensel-hensel soaneu lelesu Kama Malalao-malalafu ka ma lelesu manai Manetualain Uman-na deak.

1 TAWARIKH 6:49

Harun no tititi-nonosin bela-ba'un nde tunu boomenik, tunu-hotu tutunu-hohotuk nanatunuk nai mei tunu-hotuk lain, tao basa feta mata-matak lala'en-na nai Kama Malalao-malalafuk nanseli-a, ma tunu-hotu tutunu-hohotuk soaneu fe do'o do ampon neu hataholi Israel-la sala-singon. Ala tao basa sila-la, nandaa no natutu'duk-natutu'duk fo Manetualain atan Musa fek-ka.

1 TAWARIKH 28:18

la'eneu lilopilas isik-kala dede'un-nala soaneu tao mei tunu-hotuk fo mamanak tunu boomenik, ma soaneu taok-kaleta ba'eneu mahahae maso'dak-ka dodoki-dudulan no li'dan fo natabaa nai Manetualain Peti Hehelu-balataan-na lain.

YESKIAL 41:22

Deman-na, metel esa seselik, ma loan-na, metel esa. Bu'un-nala, buin-na, ma papalan-na, nanataok neme ai-a mai. Touk ndia, nafa'da au nae, “Mei ia nde nai Manetualain matan-na.”

KELUARAN 31:8

fo nde: mei no hata-heton, banu eik lilopilas isik-ka no hata-heton, mei tunu-hotuk fo mamanak tunu boomenik-ka,

KELUARAN 39:38

mei tunu-hotu lilopilas-sa, mina feta, boomenik kaboomenik, Lalaa Temak-ka tema lelesun-na,

BILANGAN 4:11

Basa ndia soona, ala muse bela tema balau biak esa, neu mei tunu-hotu lilopilas ndia lain, fo ala poti ketun nenik bana lou mangana'u anak esa, basa soona, ala tao mei tunu-hotuk ndia, ai ndondolon-nala neu.