KELUARAN 3:17 - Susula Malalaok Hehelu Palak Ma Hehelu Beuk

¹⁷ Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:17 Referans Kwoze

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

YOSUA 24:11

Basa boema, emi lena Lee Yarden-na, de emi losa Yerikho. Hataholi Yerikho-la lata'ti loo emi, leondiak boe, hataholi Amori, hataholi Feris, Kanaan, Het, Girgasi, Hewi ma hataholi Yebus-sala. Tehu Au fe emi sengi la'iesak-kasa.

KEJADIAN 46:4

Neukose Au sama-sama o o, leo Masir muu, ma Au o falik o tititi-nonosim leo nusak ia mai. Metema o fai mamatem-ma losa soona, neukose Yusuf nai o boboam-ma”

KEJADIAN 50:25

Boema Yusuf nadenu basa tolanoon-nala soo-supa. Nae, “Maheluk moo au, mae metema Manetualain hela-nole emi leo nusak ndia meu soona, emi mude meni au popolang-nga boe.”

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 32:34

Besak ia, muu leona, fo moo hataholi sila-la leo mamanak fo Au afa'da basan neu o so. Neukose Au ata nusa so'dang-nga hela nole o, tehu neukose fain-na losa soaneu Au huku hataholi sila nanahu sala-singon-nala.”

KELUARAN 33:3

Emi la'ok masale leo dae kamasu'i-makabetek ma maisi-mamina meu. Tehu Au ta tunga emi fa, fo ela Au boso tao amopo-amate emi nai eno tala'dak, nana emi nde been-na leoina langa batuk.”

BILANGAN 13:27

Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

ULANGAN 26:9

Basa boema, O moo ami leo ia mai, de O fe ami dae kamasu'ik ma maoe-maisik ia.

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.

YEREMIA 32:22

Nusak fo neulauk-ka ma malole-manapuk ia, O fen neu sila, sama leo hata fo O helu basak-ka neu sila be'i-balakai manamaten-nala.

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

1 TAWARIKH 1:15

Hewi, Arki, Sini,

MAZMUR 102:21

soaneu namanene hataholi nanahukuk-kala hoo-nggu'un, ma Ana soi-po'i hataholi nanahuku nisak-kala.

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.