KELUARAN 29:2 - Susula Malalaok Hehelu Palak Ma Hehelu Beuk

² Ho'i ha'desopu neulauk fo kamen, tehu boso kamen no laluteik. Ho'i-ma ha'desopuk nanakamek ndia seli, fo tao loti nenik mina setun, ma seli boso pake mina, ma ha'desopu ela-ka, taon neu kokis fo lose mina neu.

KELUARAN 29:2 Referans Kwoze

BILANGAN 6:15

Boeo, muse ana tunu-hotu loti ta pake laluteik lepeneu esa, fo nde loti bobongok, fo taon neme ha'desopu nanasese'dok mina setun, ma koki ni'ianak, fo nanalosek nenik mina setun. Fe'ek neme ndia mai, muse ana tunu-hotu tutunu-hohotu nana'ak ma tutunu-hohotu nininuk boe.

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

BILANGAN 6:19

Basa ndia soona, metema bi'ilopo mane ndia eialun-na namatasa soona, imam-ma muse ho'i-nan sama-sama no loti bobongok esa, ma koki ni'ianak esa, ho'in neme lepeneu ndia dalek mai, fo ana pe'das leo hataholi nazir ndia liman dale neu.

IMAMAT 8:26

Neme lepeneu fo isin-na loti fo taon ta pake laluteik fa, fo nanatunu-hotu basak neu Manetualain so, Musa ho'i-na loti makate esa, taon nenik mina ma loti ni'ianak esa. Ana tao loti ndia neu bi'ilopo minan-na ma sakibolo konan lain.

IMAMAT 8:2

“Maloo Harun no anan-nala, ma ho'i meni bua papake imam-ma, mina feta, sapi maneanak esa, soaneu tutunu-hohotuk sala-singok hapu ampon, bi'ilopo mane dua, ma loti ta pake laluteik, lepeneu esa.

IMAMAT 7:12

Metema, tutunu-hohotuk ndia, nanatunu-hotuk soaneu noke makasi, soona muse tunu-hotu bana ndia, no loti fo ta pake laluteik fa. Loti ndia bole makate, taon neme ha'desopu nanakamek no mina setun, bole loti tuuk ni'ianak boe, fo nanalosek nenik mina, do kokis fo taon neme ha'desopuk-ka no mina setun.

IMAMAT 7:10

Tehu tutunu-hohotu nana'ak fo ta nananasuk, nau nanasese'dok no mina do tuuk boe, basa-basan lala'en-na soaneu imam fo Harun tititi-nonosin-nala, de ala muse ba'en fo bekebaba'uk.

IMAMAT 2:15

Muse di'a mina setun neu gandum ndia, ma tao boomenik neu lain.

KELUARAN 29:23

Ho'i-ma loti esa neme loti mata-matak-kala neme lepeneu loti fo nanatunu-hotu basak soaneu Au so: esa nanataok nenik mina setun, esa ta pake mina fa, ma kokis esa.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 29:3

Taon neu lepeneu esa dalek, fo tunu-hotu fen neu Au sama-sama no sapi manem-ma bi'ilopo manek-ka duak nanatunu-hotuk-kala.