KELUARAN 28:4 - Susula Malalaok Hehelu Palak Ma Hehelu Beuk

⁴ Boeo madenus fo ala tao babaa fanak, efod, ba'du manalu, ba'du kabaek nanaseu-soo mana'a hiik, tema fefeo langak ma kalikee. Ala muse tao bua-papake imam ndia soaneu o ka'am Harum no anan-nala fo ela ala hapu lalalau-laoono Au da'di leo imam.

KELUARAN 28:4 Referans Kwoze

NINITAK 9:17

Ma nai ninitak dale, au ita ndala sila la lo manasa'e nala. Manasa'e nala pake ba'du besi pilas sama leo ha'i a, momo'dok sama leo batu nilam, ma kunik sama leo belerang. Ndala sila la langa nala sama leo singa langa na, ma bafa nala kalua ha'i, ha'imasuk, ma belerang.

EFESUS 6:14

Ela leo bee na, emi manea tataas esa. Pake lilinekak neu Manetualai na, da'di neu kalikee, boema dale ndo sa, da'dileo, o ba'du besi ma.

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESAYA 11:5

Ana ho'i nakeketuk tunga ndoos ma matetuk, ma manalilinekak nai basa hata lala'en-na dalek.

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

SEMUEL SUSULAK-KA ESAN-NA 30:7

Boema, Dauk nafa'da Imam Abyatar, fo Ahimelekh anan-na nae, “Meni ba'du babaa fanak ndia, leo ia mai!” Boema, Abyatar neni fen ba'du babaa fanak ndia.

SEMUEL SUSULAK-KA ESAN-NA 23:6

Lelek Abyatar, fo Ahimelekh anan-na, nalai leo Dauk neu, de sama-sama no Dauk leu leo Kehila leu-a, ana ho'i neni ba'du babaa fanak boe.

SEMUEL SUSULAK-KA ESAN-NA 22:18

Hu ndia de, Saul nafa'da Doëg nae, “Ayo, lai-lai leona, O nde taomisa hataholi sila-la!” Boema, Doëg tutulumatak, de ana taonisa imam sila-la. Nai faik ndia dalen-na, ana taonisa imam faluhulu lima, fo imam sila-la hapu hak pake ba'du babaa fanak.

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

KELUARAN 39:28

tema fefeo langak, papa'a langak, lopo ei keke'uk abalutu,

KELUARAN 25:7

batu poemata mata-matak-kala soaneu balias neu efod ma Imam Matuaina babaa fanan-na.

KELUARAN 29:6

Pa'a fefeo langak neu langan-na, ma lolo'e lilopilas fo nanabalias nenik dodoki-dudulak ‘Nanahele hehelik soaneu Manetualain-na’, neu fefeo langak ndia.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.