KELUARAN 28:3 - Susula Malalaok Hehelu Palak Ma Hehelu Beuk

³ Maloo-ma basa hataholi fo Au fe basas malelak da'di manaseu-soo. Madenus fo ala seu Harun bua-papaken-na fo ela hele hehelin soaneu nalalau-naoono Au da'dileo imam.

KELUARAN 28:3 Referans Kwoze

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

YESAYA 11:2

Neukose Manetualain koasan-na hela-nolen, fo Ana taon da'di hataholi dale malole, ma manatee-tenok, malelaina nai ho'i nakeketuk-ka dalek, fo nakalala'ok-kana; nalelak Manetualain hihii-nanaun, ma namahele neun.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

ULANGAN 34:9

Manetualain ba'e-bati Yosua, fo Nun anan-na, nenik dudu'a-aafi manatee-tenok, nanahu Manetualain natu'dun fo, ana nggati Musa. Leoina Israel-la, ala tunga Yosua, ma lakalala'ok paleta fo, Manetualain fe neu sila, tunga Musa.

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

KELUARAN 35:35

Manetualain fes malelak nai basa tatao-nono'i mata-matak-kala dalek, fo tatao-nono'ik ndia hataholi manadokik malelaina-la, manadudu'a-dodoo tatao-nono'ik-kala ma manatenu malelak tema abalutu, temak kabelik balau, pilabalanggeok ma pilas, ma temak fe'ek-kala tatao-nono'in ndia. Hataholi sila-la nde been-na, malelainan nai dudu'a-dodoo tatao-nono'ik-ka dalek, ma ala tao lalelak basa tatao-nono'i matak-matak-kala.

KELUARAN 35:30

Basa boema, Musa nafa'da hataholi Israel-la nae, “Manetualain hele basa Bezaleel, fo Uri anan-na, ma Hur neme leo Yehuda, upun-na,

KELUARAN 35:25

Basa inak fo manale'a nalelak abas-sa, leni abas temak abalutu boema abas temak kabelik balau, pilabalanggeok ma pilas fo ala tao laak-ka.

KELUARAN 35:31

de Ana ba'e-batin nenik koasan-na Manetualain fen dudu'a maneu, malelak ma be'i-balakaik nai tatao-nono'i doki-dulak mata-matak lala'en-na dalek,

KELUARAN 36:1

Bezaleel, Aholiab, ma basa tuka fo manahapu dudu'a-aafi maneu ma malelaina neme Manetualain mai, ala tao-no'i lalelak basa hatan-nanapaluuk soaneu tao Manetualain Lalaa Teman-na. Sila muse tao basa hata lala'en-na, sama leo hata fo Manetualain paleta basan so.”

KELUARAN 35:10

“Basa tuka malelak manai emi dalek-kala, muse mai fo tao basa hata lala'en fo Manetualain paletan, fo nde:

KELUARAN 36:2

Musa naloo Bezaleel, Aholiab ma basa hataholi fo manahapu malelaina neme Manetualain mai, ma hataholi fo no dale hihii mesan-na, ana fe tutulu-fafalik, boema nadenus mulai leona.