KELUARAN 27:21 - Susula Malalaok Hehelu Palak Ma Hehelu Beuk

²¹ Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 27:21 Referans Kwoze

BILANGAN 19:21

Nakanenetek ndia, nanapakek losa dodoon-na. Hataholi manapisi oe feta ndia boeo, muse safe bua papaken-na, fo oe ndia la'e hataholi-a, nanggenggeo losa le'do tenak.

BILANGAN 18:23

Mulai besak ia, ka'da hataholi Lewi-la, nde bole ito-ato Au Lalaa Temang-nga, ma ala mete-lakanae ue-le'dis ndia Nakanenetek ndia boeo, nanapakek soaneu o tititi-nonosim losa dodoon-na. Hataholi Lewi-la, ta hapu baba'ek nai Israel fa,

2TAWARIKH 13:11

Tunga-tunga fafai le'donoson ala tunu boomenik ma ala fe tutunu-hohotu nanatunuk soaneu Manetualain boema ala sadia loti tunu-hotuk Tunga-tunga le'odaen-na ala de'de banuk-kala nai banueik lilopilas-sa. Ami tunga mahele Manetualain paletan-nala, tehu emi la'oelan so.

SEMUEL SUSULAK-KA ESAN-NA 3:3

ma Semuel sungu deka no Manetualain, Peti Hehelu-balataan-na, nai Lalaa Temak malalao-malalafuk dale. Lelek beita dulufula, ma banuk-ka bei pila,

IMAMAT 16:34

Muse tao feta ndia la'i esa, nai teuk esa dalen-na, soaneu tao nalalao-nalalafu leoina Israel-la neme sila sala-singon lala'en-na mai. Nakanenetek sila-la, nde muse ala tungan losa dodoon-na. Musa tao tungan, sama leo hata fo Manetualain paleta neun.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

KELUARAN 30:8

Ana tao leondiak boe, nai lelek ana de'de banuk-ka nai fai le'donoson-na. Tutunu-hohotu boomenik ndia, muse taon nakandondoo henin neme bobongik leo bobongik neu.

2 PETRUS 1:19

Hu ndia de, ami boetai mamahele Manetualain hala hehelun fo, basa nabi la tui-benga kala. Malole lenak, emi taoafik neu hala heheluk ndia, nana hala heheluk ndia, sama leo banu manapilak esa, nasalaa nai mamana makahatu ka, fo ana pila nahele losa dulu fula, boema sama leo nduu timu a, fo nasalaa nai emi dalem dale.

YOHANIS 5:35

Yohanis ndia, sama na leo banu manapila ka, fo pila na nasalaa. Emi mamahoko emi hapu masalaak ndia ka'da hatematak esa mesa kana.

SEMUEL SUSULAK-KA ESAN-NA 30:25

Basa boema, Dauk tao dede'ak ndia, da'di neu nakanenetek esa, de ala tungan nai Israel, losa besak ia.

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

NINITAK 2:1

“Neu ata nusa so'dak salanik manai Efesu sala, sulakman leoiak: Ia nde hala heheluk neme Ndia fo manaho'u nduu kahitu kala nai lima kona na, ma manala'ok manai banu ei lilopila kahituk sila la tala'da.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

LUKAS 12:35

“Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MAZMUR 134:1

Nakamee dodonge-dadamak. Mai fo, koa-kio Manetualain, hai basa Manetualain atan-nala lemin, basa manamaik fo lalalau-laoono nai Manetualain Uman, nai fai le'odaen-na.

BILANGAN 8:9

Basa soona, maloo makabubua hataholi Israel-la lala'en-na, fo madenu hataholi Lewi-la lapadeik leu Au Lalaa Temang-nga matan-na.

IMAMAT 24:9

Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 24:3

Harun muse ito-ato banuk sila-la, neme le'donoso losa fafaik, nai mamanak fo Manetualain nai ndia, nai tema lelesu fo manapoti ketu Peti Hehelu-balataak-ka, nai Kama Malalao-malalafuk nanseli-a deak. Muse tao tunga paleta ndia, losa dodoon-na.

IMAMAT 3:8

Nai ndia, ana muse lalaa liman-na neu bi'ilopo ndia langan lain, boema ana do'don nai Lalaa Temak-ka matan-na. Boema, imam-ma muse pisi bi'ilopo ndia daan-na, neu mei tunu-hotuk-ka boboan haas.

KELUARAN 40:3

Tao Peti Hehelu-balataak fo isin-na Paleta ka sanahuluk-kala leo dalek neu, fo tao temak tatanan-na neu uluk.

KELUARAN 30:36

Muse ha'bo boomenik ndia seli losa lutuanak. Ho'i menin leo Au Lalaa Temang-nga neu fo nggalin neu Peti Hehelu-balataak-ka uluk. Muse mamahele boomenik ndia malalao-malalafuk fo nanafe hehelik soaneu Au. Boso tao boomenik nanasese'dok nenik ai matak leo sila-kala soaneu emi manuu.

KELUARAN 29:44

Neukose Au tao-a Lalaa Temak ma mei tunu-hotuk ndia da'di malalao-malalafuk. Harun no anan-nala, neukose Au hele fe'es leme fe'ek-kala mai, fo ela lalau-laoono Au da'dileo imam.

KELUARAN 29:42

Basa soona, soaneu tepo-lelek lala'en-na, tutunu-hohotuk nanatunuk ndia muse nanatunu-hotuk nai Au matang-nga, fo nai Au Lalaa Temang-nga lelesun-na. Nai ndia nde, neukose Au atongo o Au anang-ngala, ma Au kokolak o o.

KELUARAN 29:28

Au nakeketung fo ta hapu nggati fan-na nde ia: Nai lelek Au anang-ngala mai fo ala tunu-hotu tutunu-hohotu mole-dame soona, bana ndia sosolon-na no sakibolon-na nde been-na, basa imam-mala baba'en-na nde ndia. Au anang-ngala tutunu-hohotun soaneu Au-a, nde ndia.

KELUARAN 25:16

Boema nai peti ndia dalek, o muse pe'da batu ka duak fo nai bee, Au sulak Au paletang-nga, fo neukose Au fen leo o neu.

KELUARAN 16:34

Boema Harun nakatetene uledae ndia neu Peti Hehelu-balataak-ka matan-na, fo ala pe'dan, nandaa no Manetualain, paletan-na neu Musa.

KEJADIAN 1:8

Ana foi buas fo sama leo uma hunuk ndia, na'de “Lalai” Le'odaek-ka seli, boema fafaik-ka da'di. Fo ndia nde fai ka duan-na.

KEJADIAN 1:5

de Ana foi mangale'dok ndia, na'de “Lele'dok” ma makahatuk ndia, na'de “Le'odaek”. Le'odaek-ka basan boema fafaik-ka da'di. Fo ndia nde, fai ka esan-na.

IMAMAT 24:2

fo ana fe nakanenetek ia-la neu leoina Israel-la nae: Ho'i meni mina setun isik neulauk soaneu banuk manai Manetualain Lalaa Teman dale, fo ela de'den soona, ana pila nakandoo.

BILANGAN 18:5

Ka'da o, Harun ma o anam-mala, nde muse makalala'ok bela-ba'uk manai Kama Malalao-malalafuk-ka, ma mei tunu-hotuk-ka, fo ela Au boso boe amanasa, leoina Israel bai.

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

IMAMAT 6:15

Muse ana ho'in-na ha'desopuk sopuanak nafanggetek esa, no mina ma boomenin-na lala'en-na, fo ana tunun nai mei tunu-hotuk lain, fo da'di leo ta'du-tana, nae ana fe la'iesak tutunu-hohotuk ndia leo Manetualain neu so. Tutunu-hohotuk ndia, boon-na nandaa no Manetualain dalen-na.

IMAMAT 7:36

Nai faik ndia, Manetualain paleta leoina Israel-la, fo ela neme basa sila tutunu-hohotun mai, baba'ek ndia nde soaneu basa imam-mala. Leoina Israel-la, muse tunga nakanenetek ia-la losa dodoon-na.

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 23:14

Emi beita meni tunu-hotuk ndia leo Manetualain neu fa te, ta bole mi'a gandum beuk ndia faaanak boen, nau mamatak do nanadalak do nanatunuk da'di loti so boe. Basa emi tititi-nonosim-mala, muse tunga nakanenetek ndia losa dodoon-na.

IMAMAT 23:21

Nai faik ndia, emi muse makabubua fo sene-do'ok, ma ta bole tao ue-le'dis mabela fa. Emi tititi-nonosim muse tunga paleta ndia, losa dodoon-na, ma ala leo su'di nai mamanak bee boe.

BILANGAN 35:29

Nakanenetek sila-la soaneu emi, ma soaneu emi tititi-nonosim, nai emi leo su'di mamanak bee boe.