KELUARAN 24:2 - Susula Malalaok Hehelu Palak Ma Hehelu Beuk

² Ka'da o mesam-ma mai deka moo Au. Fe'e-fe'ek-kala ta bole mai deka-deka fa, ma nakalenak laun-na ta bole kae leo letek ia lain mai fa.”

KELUARAN 24:2 Referans Kwoze

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 24:15

Musa kae Letek Sinai, boema ko'as bubuak esa poti-nan.

KELUARAN 24:13

Boema Musa ma Yosua fo Musa manatulu-falin-na, laheheleaon de Musa kae leo Manetualain lete leleon ndia lain neu.

IBRANI 9:24

Nana Kristus ta masok leo Kama Malalaok fo hataholi daebafak nde tao nana, ndia ka'da salaok esa neme Kama Malalao matetu ka mai. Kristus mesa kana nde masok leo nusa so'da ka neu; de besak ia, Ana nasasalematak no Manetualain, hu ka nde ita paluu na.

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

KELUARAN 20:21

Tehu hataholi sila-la, lapadeik lahele lai dook-ka, de ka'da Musa neu deka no ko'a makahatuk-ka, nai mamanak fo Manetualain nai ndia.

KELUARAN 24:1

Basa boema, Manetualain nafa'da Musa nae, “Kae leo lain mai fo mataa Au, sama-sama moo Harun, Nadab ma Abihu, ma leoina mauli-malanagan ka hituhulun-nala, fo sene-do'ok neu Au, tehu boso deka Au.

KELUARAN 24:3

Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

KELUARAN 19:12

Tao ta'du okofefeok letek ia, da'di leo too-lane, fo leoina ndia, ta bole lena fan. Ka'i leoina ndia, fo ala boso kae leo letek lain mai, lena-lenak ala boso deka letek ndia. Ba'eneu see, fo ana lena dae too-a soona, neukose nanahuku nisak;