KELUARAN 24:18 - Susula Malalaok Hehelu Palak Ma Hehelu Beuk

¹⁸ Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 24:18 Referans Kwoze

ULANGAN 9:9

Boema, au kae leo letek lain u, fo au sipo batu hehelu-balataak, fo Manetualain tao hehelu-balataak no emi. Lele'dok haahulu ma le'odaek haahulu, au leo eme letek ndia lain, ma au ta u'a-inu fa.

ULANGAN 10:10

“Au leo eme letek lain, lele'dok haahulu, ma le'odaek haahulu, sama leo au taon nai makasososan-na. Manetualain fe au amanene la'iesa seluk, nae Ana ta nau tao namate-namopo emi fa.

KELUARAN 34:28

Musa leo no Manetualain nai ndia, lele'dok 40, le'odaek 40, ma nai lelek ndia, ta na'a-ninu fa. Hehelu-balataak ndia isin-na nde, Manetualain Paletak-ka 10n-na, fo nanasulak nai batu bebelak ndia lain.

ULANGAN 9:25

Au bubuluk Manetualain naketu basa, sanga tao namate-namopo emi. Hu ndia de, nai lele'dok haahulu ma le'odaek haahulu dalen-na, au sene-do'ok nai Manetualain matan-na,

ULANGAN 9:18

Boema, au sene-do'ok la'iesa seluk, neu Manetualain neme letek-ka poin-na, nai lele'dok haahulu ma le'odaek haahulu dalen-na, ma au ta u'a-inu fa. Au tao leondiak, nanahu emi masala-masingo basa neu Manetualain, nenik emi tao hata fo mangalauk, nalosa Manetualain namanasa.

LUKAS 4:2

Nitu so'ba Yesus nai ndia, faik hahulu dale na. Nai fai manalu ndia dale na, ta na'a-ninu hata-hata esa boen. Da'di neu mate'e na boema, name'da namala'a.

MARKUS 1:13

Faik hahulu dale na, Nitu so'ba Yesus neme ndia. Bana fui kala sama-sama lon nai ndia boe, tehu ata nusa so'da kala lasulu-lahapan.

MATEOS 4:2

Yesus ta na'a-ninu lele'do le'odaek, faik hahulu dale na. Boema name'da namala'a.

1RAJA-RAJA 19:8

Elia fo'a, boema na'a ninu. Boema ana hapu balakaik de ana hapu la'ok faik haa hulu dalen-na leo Lete Sinai fo mamanak Manetualain natu'du aoinan-na.

KELUARAN 19:20

Manetualain kona nai Letek Sinai poin-na, de naloo Musa, fo neu leo letek ndia poin-na neu. Boema Musa kae neu,

KELUARAN 9:33

Boema, Musa la'o leona, de neu leo kota deak neu; nai ndia, ana so'uk liman-na, fo ana hule-haladoi neu Manetualain. Hatematak ndia boe, mangguluk-ka, u'da eis-sa ma u'dan-na hahae.

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

KELUARAN 25:1

Manetualain nafa'da Musa nae,

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

1RAJA-RAJA 19:11

Manetualain nafa'dan nae, “Kalua meme leak ndia dalek mai leon, fo mapadeik masale leo Au mai, nai letek lain.” Boema Manetualain tunga ndia, fo ani matuainan-nakahuluk, nalosa heaba'e pupukuk kala ma lete batu la hea ba'es. Tehu Manetualain ta natu'du aoinan-na nai anin ndia dalek fa. Lelek anin ndia nakamate, boema dae manggengo ka da'di, tehu Manetualain ta natu'du aoinan-na nai dae manggengok ndia dalek boen.

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’