KELUARAN 23:8 - Susula Malalaok Hehelu Palak Ma Hehelu Beuk

⁸ Boso sipo doi sosolo dalek, nanahu doi sosolo dalek ndia, tao napoke hataholi-a matan-na, la'eneu eno ndoos-sa, fo nakatutu'dak hataholi sala taak-ka.

KELUARAN 23:8 Referans Kwoze

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

YESAYA 5:23

Tehu ka'da soaneu hapu doi sosolo dalek-ka, de emi po'i hataholi masalak-ka, ma emi kena-ka'i hataholi sala tak-ka, fo ana boso hapu ndoos ma matetuk-ka.

AMSAL 17:23

Manakee-manafula fo ta tao tunga ndoon-na fa, ana sipo doi sosolo dalek no nafufunik ma ta nakalala'ok ndoos ma matetuk-ka fa.

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

SEMUEL SUSULAK-KA ESAN-NA 8:3

Tehu ala ta tunga sila aman ha'da-tataon fa, te ala sanga ka'da nanalak soaneu sila aoinan-na mesak-kana. Ala sipo doi sosolo dalek, ma laketu-lala'di laun-na dede'an-nala ta tunga eno-dalak matetun-na fa.

PENGKHOTBAH 7:7

Metema hataholi dodole matane ke'di-ndiu soona, nakeketun ndia nggoak. Metema hataholi sipo doi sosolo dalek soona, nalutu dodolen-na.

AMSAL 17:8

Hapu nggelok laedaenga, doi sosolo dalek-ka, hapu tao manada'di beuk; nana no doi sosolo dalek-ka, de basa hata lala'en-na bisa da'di.

MAZMUR 26:10

Ala tao tatao-nono'i mangalauk nakandondoo henin, ma laheheleaon tataas esa, sipo doi sosolo dalek.

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

AMOS 5:12

Au bubuluk emi mangalaum-ma ba'un-na seli, ma emi sala-singom ba'un-na seli. Emi tuni-ndeni hataholi malole-a; emi mi'a solok ma emi po'ilotak ala tao hataholi nuu-taa hata-taak-ka ta no ndoos ma matetuk nai manakee-manafula matan.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

AMSAL 19:4

Hataholi kamasu'i-makabetek-ka, tia-lain boetai lamaba'uk-ka; tehu hataholi nuu-taa hata-taak-ka, tia-lain lalai la'oelan.

HOSEA 4:18

Linu basa angol bauk-ka, fo ala mafuk soona, ala sosoa-piao no dale namahokok. Ala nau hataholi nakadadaek-kasa, neme fes ha'da-holomata.

YESAYA 1:13

Palsuma la'iesak-kana, emi meni emi tunu-hotum sila-la. Au malua tunu-hotuk sila-la boon-na. Au ta ahiik, ma Au ta akatatakak mete emi tao feta Bula Beuk-ka, fai Sabat-tala ma fai malole-la, boema nakabubua agama-la. Emi tao manggenggeo basa sila-la, nenik emi sala-singom-mala, de nalupa lelepa mabela esa ba'eneu Au; Au sota-mangu no lu'a-lepak-ka so.

MAZMUR 15:5

ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 5:22

Soe ba'eneu emi fo, nai uluk nai nininu angol-la dalek! Emi hataholi mapalanik ma anseli, metema muse sese'dok ala-lalu!

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.