KELUARAN 21:20 - Susula Malalaok Hehelu Palak Ma Hehelu Beuk

²⁰ See fepa-li'u ata toun, do ata inan-na, losa ata ndia maten tu'tik soona, muse hukun.

KELUARAN 21:20 Referans Kwoze

ROMA 13:4

Nana manapaleta nde bee na Manetualain atan, fo naue-nale'di soaneu emi malole ma. Tehu metema emi tatao-nono'im mangalau ka soona, memak emi muse bii manapaleta, nana manapaleta nanuu koasa soaneu ana huku hataholi. Manapaleta nde bee na Manetualain atan, fo naketu hataholi manatao tatao-nono'i mangalau kala tunga Manetualain nakeketu na.

AMSAL 29:19

Ta bisa nanoli ata esa, nenik ka'da dede'a-kokolak fa, nalelak-kana, tehu ana ta taoafik neu fan.

ULANGAN 19:21

Boso mape'da dalek susuek, nai dede'ak matak leondiak-ka. Huhukun-na nalupa: Samanek nggati samanek, matak nggati matak, nisik nggati nisik, limak nggati limak, ma eik nggati eik.”

BILANGAN 35:19

Hataholi fo nanataonisak ndia, tolano ka'a-fa'din bole taolisa hataholi kanisak ndia. Metema, latongo loon soona, ala bole taolisan.

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

KEJADIAN 4:24

Nana, metema hataholi manataonisa Kaen-na, muse ana hapu babalan-na diku la'i hitu, soona hataholi manataonisa Lamek-ka, muse ana hapu babalan-na diku la'i hituhulu hitu.”

KEJADIAN 4:15

Tehu Manetualain nae, “Ta. Metema, hataholi taonisa o soona, hataholi manataonisa o ndia, ana hapu babalak diku la'i hitu.” Basa boema, Manetualain tao ta'du-tana neu Kaen, fo ela su'di see natongon-no n soona, boso taonisan.

KELUARAN 21:19

tehu basa boema, ana pake aitete'ek de ana bisa fo'a, fo ana la'ok soona, hataholi manatutun-nana, muse puli-namo'don losa ana lea-hai, ma ana nggati hataholi ndia kalua tali-doin, nai lelek namahe'di-a.

KELUARAN 21:21

Tehu metema, ta mate ata ndia, nai faik esa do dua dalen-na fa soona, ta huku tuan ndia fa. Nana ana kalua tali-doin hu kande atan ndia he'di-laun, de ndia nalupa huhukuk ba'eneun so.