KELUARAN 21:1 - Susula Malalaok Hehelu Palak Ma Hehelu Beuk

¹ Boema Manetualain nafa'da Musa nae, “Fe hataholi Israel-la nakanenetek-kala nde ia:

KELUARAN 21:1 Referans Kwoze

ULANGAN 4:14

Manetualain nadenu au fo au anoli emi, basa hoholo-lalanek fo emi muse tungan, nai nusak fo mahani te neukose emi masok-kana, fo emi leo nai ndia.”

ULANGAN 6:20

Nai faik makabuin, neukose emi anam-mala latane emi lae, ‘Tao le'e de, ita Manetualain, nadenu ita tao basa paleta sila-la?’

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

YESKIAL 20:25

Basa boema, Au fes hoholo-lalanek ta malole, ma paleta-paleta fo, ta neni fes maso'dak fa.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

MAZMUR 147:19

Ana nanduku-nalosak hala hehelun-na neu anan-nala, nanduku-nalosak nakeketun ma hoholo-lalanen, neu ana hehelen-na.

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

2TAWARIKH 19:10

Metema emi nonoo-mala leme kota fe'ek mai fo leni fe emi dede'a kanisak esa, la'olena hoholo-lalanek do la'olena susula nakeketu-ka soona, ela leo bee na emi fes natutu'duk. No enok ndia ala ta lasala neu Manetualain fa, ma neukose Manetualain ta namanasa emi do sila boen. Tao tunga paleta ia, soona neukose emi ta masala fa.

1RAJA-RAJA 6:12

“Metema o tunga basa Au hoholo-lalaneng ma Au paletang-nga soona, neukose Au tao atetu hata, fo Au helu-balataan neu o amam Dauk so.

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

ULANGAN 5:31

Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

BILANGAN 36:13

Nakanenetek ma nakeketuk sila-la, nde Manetualain fen neu leoina Israel-la, tunga Musa, nai lelek leoina Israel-la leme masadokek Moab-pa, nai Lee Yarden-na su'un-na, fo deka no kota Yerikho-a.

BILANGAN 35:24

Nai dede'ak matak leodiak-ka, salanik-kala muse tao sidang, fo ala palisak hataholi kanisak-ka, ma hataholi fo ana nau balas hataholi nanatao nisak-ka mamaten ndia.

IMAMAT 20:22

Manetualain nafa'da nae, “Tunga la'iesak Au hoholo-lalaneng ma Au paletang-ngala, fo daenga emi ta nanausihenik neme nusa Kanaan-na mai, fo nai bee, Au o emi leo naa meu.

IMAMAT 19:37

Tunga la'iesak Au hoholo-lalaneng, ma Au paletang lala'en-na. Au nde Manetualain.”

IMAMAT 18:5

Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

KELUARAN 19:7

Boema Musa kona neme letek lain mai, de naloo basa mauli-malangan-nala, fo ela lakabubua, boema ana tuis basa hata lala'en fo Manetualain paleta neun.

ULANGAN 15:12

“Metema, touk esa do inak esa, nai emi leoinam dalek, ana nase'o aoinan-na, fo ana da'di emi atam soona, ana muse naue-nale'di fe emi, nai teuk nee dalen-na. Muse po'in nai teuk-ka hitun-na dalek.