KELUARAN 20:17 - Susula Malalaok Hehelu Palak Ma Hehelu Beuk

¹⁷ Boso dale he'di hataholi fe'ek hata-heton; uman-na, saoinan-na, atan-nala, bana-manun, keledein-na, do su'di beek fo hataholi fe'ek nuun.”

KELUARAN 20:17 Referans Kwoze

ROMA 13:9

Nana agama Yahudi, hoholo-lalanen nafa'da ae, boso hohonge, boso manisa, boso mamanako, boso dale he'di hataholi hata-heton; basa sila la lakabubua lo hoholo-lalanek fe'e kala, fo huu na ka'da hoholo-lalanek esa mesa kana, fo nde, “Sue-lai o nonoo hataholi ma sama leo o sue-lai o aoina ma.”

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

ROMA 7:7

Metema leondiak soona, ita tae le'e bai? Ita tae agama Yahudi hoholo-lalanen mangalau ka do? Tao leo beeo ta! Tehu hoholo-lalanek ndia nde nanoli au de au alelak sala-singo ka. Tao leo bee o au ta bubuluk tenepetak ndia sosoa-ndandaan nae le'e fa, metema agama hoholo-lalanen ta nafa'da nae, “Boso tenepeta.”

EFESUS 5:3

Emi nde bee na, Manetualain hataholi kamahehelen. Hu ndia de, tatao-nono'i sosoa-piao ka, ma matetu-mandaa ta ka, do tene peta ka, ta nandaa emi tao-no'i fas. Boso nalosak hataholi fe'e kala hapu ne'ek soaneu lafa'da lae, emi tao-no'i tatao-nono'ik leo sila kala.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.

HABAKUK 2:9

O nanasoo-supak! No o tataom ndia de, o teidalem-mala lamasu'i nenik nanalak fo hapun tunga tatao-nono'i susue-lalai taak-ka, fo ela o umam-ma nee-nee lino-lino, ma o mala susa-soe deak.

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

YEREMIA 5:8

Sila sama leo ndala mane fo maao, balakaik ma kala'bik-ka; sila esa-esak, nahiik seluk no nonon-na saoinan-na.

AYUB 31:9

Metema, au daleng-nga nahiik hai, au uma titia-tataing saoinan-na, fo no nafufunik, au titinon neme lelesu-a dean-na mai,

HATAHOLI 20:33

Beita la'iesa boen fo au oke doik, do bua papakek, neme hataholi esa mai boen.

HATAHOLI 5:4

Dae ndia o beita mase'o fa nana, o daem ndia. Ma o mase'oheni dae ndia de doi nala, o doim sila boe. Na tao le'e de, o manuu dudu'uk ndia nai o dalem dale, de o tao leondiak. O ta masapepeko neu hataholi daebafa ka nde ndia fa, te o masapepeko neu Manetualain nde ndia!”

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

MAZMUR 119:36

Fe au dale hihiik, soaneu tunga O nakanenetem-ma, lena heni dale hihiik fo da'di kamasu'ik

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

AYUB 31:1

Au aheluk basa pake soo-supak, ae neukose au ta akahehe'dek mata o anafe'oanak fa.

SEMUEL SUSULAK-KA ESAN-NA 15:19

Tao le'e de, Ama Manek ta tunga Manetualain paletan-na fa? Tao le'e de, Ama Manek sama-sama moo laun-na ho'i bua-lo'a kakalok, de no enok leondiak-ka, Ama Manek taom-ma Manetualain dalen-na ba'ihana?”

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

KEJADIAN 34:23

Mahani te, basa sila bana-manun, ma hata-heton-nala lala'en-na da'di ita nuun. Da'di mai fo ata sipok sila nonoken-na, fo ela ala leo sama-sama loo ita.”

KEJADIAN 14:23

ae neukose, au ta ho'i hata esa boen, neme o pusakam-ma mai fa, nakalenak a'bas dook esa, do tabueis-sa tali nggenggeloanan esa boeo ta. No leondiak, neukose o ta bisa mafa'da mae, ‘Au nde fe Abram da'di hataholi kamasu'ik.’

ULANGAN 5:21

Boso dale he'di hataholi fe'ek hata-heton fo nde: daen-na, bana-manun, saoinan-na, atan-nala, bana-manun, keledein-na, do su'di beek fo hataholi fe'ek nuun.’

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

AMSAL 6:29

Ndia susa-soen sama leo ana sungu no hataholi fe'ek saoinan. Se tao-no'in soona, neukose ana ta nala huhukuk-ka deak fa.