KELUARAN 2:15 - Susula Malalaok Hehelu Palak Ma Hehelu Beuk

^15-16 Lelek manek-ka namanene la'eneu manada'dik ndia boema, ana sanga enok fo taonisa Musa. Tehu Musa nalai, de neu leo nai nusa Midian-na. Imam esa neme Midian mai, na'de Yitro, anafe'on hitu. Nai faik esa, fo lelek Musa nangatuuk deka no oedolu esa boema, Yitro anafe'o ka hitun-nala, ala mai hela oe, fo di'a leo sila aman bi'ihii bi'ilopon mamana nininun-nala dalek neu.

KELUARAN 2:15 Referans Kwoze

IBRANI 11:27

Hu ka nde namahehela ka, de Musa la'oela Masir no ta name'da bii bii-namata'uk soaneu Mane Masi ra nasa-melun fa. Musa la'ok nakandoo tunga dale tutu'u na, nono'ka bai, nita basa Manetualain fo nananita tak ndia.

HATAHOLI 7:29

Musa namanene hataholi ndia kokolak nae leondia boema nalai la'oela Masir, de neu leo nai nusa Media na. Neu ndia boema, ana bongi na ni'iana dua.

KEJADIAN 24:11

Lelek ana losa naa boema, ana fe onta sila-late'e, fo ela ala hahaeaon-nala, deka no oedolu esa, nai kota deak. Le'donoso boema, basa inak-kala mai aso oe nai oedolu ndia.

KEJADIAN 29:2

No kaiboik, nita oedolu esa nai mook-ka, ma bi'ilopo, bi'ihiik bubuak telu lu'u nai oedolu ndia boboan-na, fo biasan-na bi'i sila-la, linu oe lai ndia. Oedolu ndia, nanatatanak nenik batu matuaina.

YOHANIS 4:6

Yakob oe dolu na nai ndia. Yesus sota nanseli no lala'o ka, boema nangatuuk neu oe dolu ndia su'u na. Ndia te, fafa'kama li'u sanahulu dua le'dohana na,

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

KELUARAN 4:19

Lelek Musa bei nai dae Midian-na, te Manetualain nafa'dan nae, “Fali leo Masir muu leona. Te mate la'iesak hataholi, fo ala nau taolisa o-a so.”

KEJADIAN 25:4

Midian anan-nala nde, Efa, Efer, Hanok, Abida, ma Eldaa. Ketura tititi-nonosin basa sila-la.

KEJADIAN 25:2

Saon ndia, bongin-na ni'iana-la, na'den-nala nde ia: Zimran, Yoksan, Medan, Midian, Isybak, ma Suah.

KELUARAN 18:4

Ana foi ana ka dua-na, na'de Eliezer nanahu Musa nafa'da nae, “Manetualain fo au bei-ba'i kaing-ngala sene-do'ok-ka, tulu-fali au so, ma Ana soi-tefa-nala au, nalosa manek Masir-ra ta taonisa au fa.”

1RAJA-RAJA 11:18

Ala la'o leme Midian mai, boema leu leo Paran leu. Nai naa, hataholi fe'ek de'ubee lakabubua loos, boema ala la'o sama-sama leo Masir leu fo latongo loo Mane Masir-ra. Manek ndia fe Hadad uma ma dae fo ana leo, ma ana taoafik so'dan-na neu.

HABAKUK 3:7

Au ita bibii-namata'uk-ka, sa'e-na Kusyan laun-nala, ma hataholi Midian nala dele bengge'be.