KELUARAN 19:5 - Susula Malalaok Hehelu Palak Ma Hehelu Beuk

⁵ Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 19:5 Referans Kwoze

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

ULANGAN 26:18

Faik ia, Manetualain sipok emi, da'di leo Ndia ana nanahele mesan, sama leo Ana helu basan neu emi so, ma Ana paleta emi fo, emi tao tunga basa paletan lala'en-na.

MALEAKHI 3:17

Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

ULANGAN 10:14

Lalai mademaina nde been-na, emi Manetualaim-ma, nuun ndia; daebafak-ka no basa hata lala'en fo, manai daebafak-ka lain boeo, Ndia nuun sila.

KELUARAN 9:29

Musa nafa'da manek-ka nae, “Au losa kota deak tutik-ka, neukose au so'uk au limang-nga, fo au hule-haladoi neu Manetualain. Neukose mangguluk-ka hahae, ma u'da eis-sa neukose nakamate, fo ela au Ama Maneng bubuluk, nae daebafak ia, Manetualain nuun.

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

1 KORINTUS 10:26

Nana nai Susula Malalaok dale nanasulak nae, “Daebafak ia no oe isin lala'ena nde bee na, Lamatua ka nuun.”

AYUB 41:11

See kande, bisa sapu-nan, fo ta nakahina fa? Nai daebafak ia, ta hapu hataholi napalani tao fan.

ULANGAN 5:2

Ita Manetualain-na, tao hehelu-balataak esa neme Letek Sinai-a,

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 41:8

Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

1RAJA-RAJA 8:53

O, ou Manetualain O hele basa sila leme leoina lala'en-na dalek mai soaneu da'di O ana mesam so, sama leo hata fo O mafa'da neus tunga O atam Musa, lelek O hela-nole ami bei-ba'i kai mala kalua leme Masir mai.”

ULANGAN 28:1

“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.

YESAYA 56:4

Manetualain nafa'das nae, “Metema, emi taoafik neu fai Sabat-ta, metema emi lilineka neu Au hala-hehelung-nga, ma tao hata fo, nandaa no Au daleng-nga,

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

ULANGAN 11:27

Neukose emi hapu baba'e-papalak, metema emi tunga, emi Manetualaim-ma paletan fo faik ia, au anduku-alosak-kana neu emi.

1 KORINTUS 10:28

Tehu metema hapu hataholi nafa'da emi nae, “Nana'a-nininuk ia la ala fe basan neu sosongo-tatango ka so,” soona boso mi'a nana'ak ndia, nana emi manea hataholi ndia paluu na, ma hu ka nde dale bobongo ana ka nakababale na.

ULANGAN 14:21

Emi ta bole mi'a bana manamateaok-kala, paan-na fa, tehu hataholi nusa dea fo, manaleo manai emi nusam-ma, bole la'a, do lase'os leo leoina nusa dea-la neu. Emi nde been-na, hataholi fo, nanahele hehelik soaneu emi Manetualaim-ma. Ta bole nasu bi'ilopoana do bi'ihiiana paan-na, nenik inan su'uoen-na fa.”

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

KIDUNG AGUNG 8:12

ma ana hapu 200 soaneu ndia sosota-mamangun. Nemen-na, fo doik ndia soaneu o Salomo, ma soaneu basa manamanea o osim-ma. Tehu au osi angol la, au nuun mesang ndia nai au matang-nga.

IBRANI 8:9

Ta sama leo hehelu balataak fo Au taon no sila bei ba'i kai nala, nai lelek fo Au hela-noles kalua leme nusa Masi ra mai. Ala ta lilineka neu hehelu-balataak fo Au taon no sila fa; hu ka nde ndia de, Au ta afaduli fas.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

KEJADIAN 17:9

Manetualain nafa'da seluk Abraham nae, “O boeo, muse lilineka neu hehelu-balataak ia, nau o, do o tititi-nonosim, neme bobongik leo bobongik neu.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 8:22

Tehu neukose Au ta'da fe'e nusa Gosyen-na, fo Au anang-ngala mamana leleon-na. Neukose ta hapu pena nai naa fa, fo ela emi bubuluk, mae Au, fo Manetualain nde manatao manada'dik ndia.

ULANGAN 28:9

Metema, emi tunga emi Manetualaim-ma, ma emi tao-no'i basa paletan lala'en-na soona, neukose Ana tao emi da'di Ndia ana nanahelen, sama leo hala hehelun-na.

1 TAWARIKH 17:22

O tao nggileo-bobongik Israel la da'di O ana mesam losa dodoo na. Ma O, ou Manetualain, O da'di sila Manetualain.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

AMOS 6:1

Soe ba'eneu emi fo maso'da nai malole-mala'da dalek nai Sion, ma emi fo mame'da so'dam-ma nee-nee lino-lino nai Samaria, hai emi fo lasi nggolok nananita-nalelak nai leoina Israel mana'a hiik ia, emi fo biasa laun-nala mai fo loke tutulu-fafalik!

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”

ULANGAN 26:19

Neukose Manetualain taon-na emi, mamade'u lena heni leoina fe'ek fo, Ana nakadada'dik basak-kala so, ma neukose emi nanakoa-nanakiok, ma nanafe ha'da-holomata. Emi da'di, emi Manetualaim-ma ana nanahelen, sama leo hala hehelun-na.”

AYUB 41:3

Ade, fafa'kama ana dokodoe neu o, fo se'i po'in do? do nakokolaok no o, fo noke dale kasian do?

YEREMIA 13:11

Leondiak boe au dudu'a ae ela leo been-na hataholi Israel ma Yehuda nanapa'a nahelek neu au sama leo lafa keke'uk fo nanapa'a nahelek neu manapake kaile'bona. No leondiak de ala da'di au anang-ngala fo manataon-na au na'deng-nga nanakoa-kiok, ma manafe ha'da-holomata. Tehu, ala ta nau tunga Au fa.”