KELUARAN 19:10 - Susula Malalaok Hehelu Palak Ma Hehelu Beuk

¹⁰ Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 19:10 Referans Kwoze

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.

KEJADIAN 35:2

Boema Yakob nafa'da teidale-bobongin-nala ma basa hataholi manasama-sama loo nana nae, “Neukose ata la'o teme ia mai fo teu leo Betel teu. Nai ndia, neukose au apadedeik mei tunu-hotuk ba'eneu Manetualain fo manatulu-fali basa au nai tepo lelek au to'a taa ma manamasulu-mahapa basa au nai lelek au leo su'di bee u a. Da'di tu'u-tapaheni dodoki-dudula lamatua daebafak nusa dea fo emi ho'uk-kala; tao feta tao nalalao aoinak-ka ma pake bua-lo'a balisi leona.”

1 KORINTUS 6:11

Makahulu na, hapu hataholi de'ubee nai emi dalek, bei lanuu ha'da-palii leo sila kala. Tehu besak ia soona emi malalaok neme sala-singo ka mai so. Emi dadi Manetualain nuu hehelin so. Emi malole falik mo Manetualain, nana emi mamahele neu Lamatuak Yesus Kristus, ma hu ka nde ita Aman Manetualain Dula Dale na koasa na.

BILANGAN 8:21

Hataholi Lewi sila-la, ala tao feta tao nalalao-nalalafu aoinak-ka, ma ala safe bua papaken-nala, boema Harun fes leo Manetualain neu, da'di leo tunu-hotu hehelik. Boeo, ana tao fes feta, fo tao nalalao-nalalafu aoinan-nala.

IMAMAT 15:5

Ba'eneu see, fo ana koila'e do nangatuuk neu hataholi manamoe nanak ndia mamana tutuun-na, do ana mu'di apen-na la'en soona, muse ana safe bua papaken-na ma nadiu oe, tehu ana da'di manggenggeok losa le'do tenak

YOSUA 3:5

Yosua nafa'da hataholi Israel-la nae, “Ela leo been-na, emi tao malalao-malalafu emi aoinam-ma, nana balahaa te, neukose Manetualain tao manada'di beuk nai emi tala'da heom.”

BILANGAN 8:7

nenik eno-dalak ia: pisis nenik oe fo paken soaneu tao nalalao-nalalafu aoinak-ka, ma madenus fo ala nggeuheni basa buluk manai aoinan-nala lala'en-na, ma ala safe bua-papaken-nala. No enok ndia, fo ala da'di balisi.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.

YOSUA 7:13

Besak ia, fo'a leon Yosua! Tao malalao-malalafu hataholi Israel-la, ma madenus laheheleaon-nala, fo ala mai lataa Au. Paletas, fo balahaa soona, laheheleaon-nala, nana Au, Manetualain fo Israel Manetualain-na, neukose afa'das dede'ak-ka nde ia nae, ‘Hai hataholi Israel-la lemin! Au paleta basa emi, fo tao nakalulutuk bua-lo'as-sala, emi bei mafuni seli. Emi beita tapa heni bua-lo'as sila-la fa soona, emi ta makatatakak la'ban musu-a fa!’

2TAWARIKH 29:5

de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

BILANGAN 31:24

Neu faik-ka hitun-na soona, emi muse safe emi bua papakem-ma, fo besak-ka emi ta manggenggeok so'on, de bole meu leo lalaa oofuk dale meu.”

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

2TAWARIKH 29:34

Imam-imam fo manatao nalalao-nalalafu aoina-na ka'da lumaanak nanseli soaneu ali bana sila-la loun-na. Hu ndia de hataholi Lewi-la tulu-falis, nanahu hataholi Lewi-la lilinekan ba'un-na seli neu nakanenetek tao nalalao-nalalafu aoina-ka. Ala tulu-fali lahele losa imam fo manatao nalalao-nalalafu aoina-ka dai.

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

BILANGAN 11:18

Besak ia mafa'da leoina ndia, dede'ak-ka nde ia nae, Tao malalao-malalafu emi aoinam-ma, soaneu balahaa; te neukose emi mi'a paa. Manetualain namanene emi kii so, ma emi haladoim mae emi hii mi'a paa, ma emi mae nai lelek emi meme Masir-ra, emi ua-nalem malole lena. Besak ia, neukose Manetualain fe emi paa fo emi bole mi'a.

BILANGAN 19:19

Ana muse pisin nai faik-ka telun-na, ma faik-ka hitun-na. Neu faik-ka hitun-na soona, basa feta tao nalalao-nalalafu hataholi manggenggeok ndia. Hataholi ndia, muse safe bua papaken-na, ma nadiu oe. Lelek le'do mulai tenak soona, ana da'di balisi.

2 SEMUEL 19:24

Mefiboset, fo Saul upun-na boeo, ana mai soluk manek-ka. Ana ta safe ein-na fa, ana ta nggute nggolomein-na fa, ma ana ta safe bua papaken-na, mulai neme Mane Dauk-ka, ana la'oela Yerusalem, losa ana fali ma'in no so'da-molek.