KELUARAN 18:7 - Susula Malalaok Hehelu Palak Ma Hehelu Beuk

⁷ boema ana kalua mai, de neu soluk-kasa. Ana senek neu Yitro matan-na, de ana de'in. Ala latataneaok, la'eneu esa-esak so'da-molen, boema ala masok leo Musa ofun dale leu.

KELUARAN 18:7 Referans Kwoze

KEJADIAN 29:13

Lelek Laban namanene la'eneu Yakob, fo feton-na anan ndia boema, nalai neu fo sanga natongon-no n. Laban holu-na Yakob, de ana de'in, de basa boema, non leo uma neu. Yakob tui basa dede'an lala'en-na, neu Laban boema,

1RAJA-RAJA 2:19

Boema Batsyeba neu leo manek-ka no nahiik kokolak dede'ak ndia soaneu Adonia. Manek-ka fo'a napadeik de ana sipok inan ma senek neun, boema nagatuuk seluk neu kandela manen lain. Basa boema nadenu hataholi sadia fe inan kandela neu boboa konan-na.

2 SEMUEL 11:7

Lelek Uria mai boema Mane Dauk-ka natanen, Yoab no solda'du Israel-la, so'dan-nala leo beek so, ma boeo natane natee-natatik-ka, eno-dalan leo beek.

KEJADIAN 19:1

Ata nusa so'dak-ka duak sila-la, donge-dama basa Abraham boema, leu leo Sodom leu, de le'odae boema, ala losa naa. Lot bei nangatuuk nai kota lelesuinan-na, de nita duas boema, ana fo'a, de neu soluk-kasa. Boema ana senek neu duas matan-na,

KEJADIAN 18:2

Ana botik langan-na boema, nita hataholi telu lapadeik lai matan-na. No lai-laik, Abraham nalai neu soluk-kasa. Ana senek ma

KEJADIAN 14:17

Ala sengi basa Mane Kedorlaomer-ra no mane-manek fo sila dalek esa, boema Abram fali ma'in. Boema, mane Sodom-ma neu soluk-kana nai Bafak Syawe-a, fo loken lae Dokek Manek boe.

HATAHOLI 28:15

Tolanoo kamahehelek manai Roma la lamanene halak boema, leu soluk ami neme Pasak Apiu sa, ma Pasanggrahan Tiga. Lelek fo Paulus natongo nos boema, noke makasi neu Manetualain de dale na natea-nahele.

HATAHOLI 20:37

Basa-basas holu la Paulus de ala kii ma lafa'dan lae, la'o no so'dak leona.

LUKAS 7:45

O ta sipok Au ninik dede'ik fa, tehu inak ia ta hahae de'i Au ei nga, mulai neme Au losa ia.

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

HAKIM-HAKIM 11:34

Lelek, Yefta fali ne'un leo Mizpa neu boema, anafe'on-na mai soluk-kana nenik lolongek ma li'u meko-la'bu. Ana kisan-na nde ndia.

BILANGAN 22:36

Lelek Balak namanene, nae neukose Bileam mai boema, neu soluk-kana, nai kota Moab-pa, nai Lee Arnon-na selik, fo nai Moab dae toon-na.

KEJADIAN 46:29

Yusuf sa'e-na kaletan-na, fo neu natongon-no aman nai ndia. Lelek ala latongo boema, Yusuf holun-na aman de ana kii-nala doon-na seli.

KEJADIAN 45:15

Basa boema, bei no kii-kiik, Yusuf holu na basa tolanoon-nala, de ana de'is. Basa ndia boema, ala mulai kola-kola loon.

KEJADIAN 31:28

Nakalenak bai, o ta fe au loak, fo au de'i au upu-anang, da'dileo ta'du-tana nasi'da-naba'ek boen. O tatao-nono'im ndia, nggoak nanseli!

KEJADIAN 43:26

Lelek Yusuf losa uma boema, ala fe bua palsen sila-la neu Yusuf ma ala sene-do'ok neun.

KELUARAN 4:27

Boema, Manetualain nafa'da Harun nae, “Muu leo moo solokaek-ka muu, fo matongo moo Musa.” Harun neu, de natongo no fa'din-na, nai lete malalao-malalafuk-ka, de ana de'in.

KELUARAN 18:6

Musa hapu halak, lae ala mai so,

KELUARAN 33:7

Metema leoina Israel-la ofu soona, Musa ho'in-na Lalaa Temak fo napadedeik-kana dodoo faa neme hataholi Israel-la mamana ofun-na mai. Loke Lalaa Temak ndia soona lae, Manetualain Lalaa Teman-na, de see hii noke Manetualain nanoli-nafa'dan soona, neu leo ndia neu.

SEMUEL SUSULAK-KA ESAN-NA 17:18

Boeo, meni fe malanga solda'du-a, keju balek sanahulu nde ia. Matanen, o ka'am-mala leo beek, fo meni fe au buti, mae o matongo moos so, de bei so'da-molek-kala.

SEMUEL SUSULAK-KA ESAN-NA 17:22

Boema Dauk fe neni bua-lo'as-sala neu solda'du-la manamanea tafa-sisilon esa, de nalai leo musu dale neu, fo natongo no ka'an-nala.