KELUARAN 18:26 - Susula Malalaok Hehelu Palak Ma Hehelu Beuk

²⁶ Lakalala'ok sila bela-ba'un da'di leo manakee-manafula neu leoina Israel-la. Leni dede'a matua-la leo Musa neu, te sila laketu-lala'di aon dede'a nale'a-napilik anak-kala.

KELUARAN 18:26 Referans Kwoze

KELUARAN 18:22

Madenus, fo ala tao-no'i da'di leo leoina ia manakee-manafulan, nai esa-esak baba'en-na dalek. Sila muse lakalala'ok bela-ba'uk ndia, no malole. Bole leni dede'a matua-la leo o mai, tehu sila laketu-lala'di aon dede'a nale'a-napilik anak-kala. Neukose, enok ndia tao namada'du o bela-ba'um, nanahu ala lu'a-lepa fali o, nai o bela-ba'um-ma dalek.

AYUB 29:16

Au da'di amak, ba'eneu hataholi nuu-taa hata-taak-ka; au da'di manamasala'e, ba'eneu hataholi manamai-a.

1RAJA-RAJA 10:1

Nusa Syeba ina manen-na namanene la'eneu Salomo nananita-nalelak. Boema neu leo Yerusalem neu fo ana so'ba Salomo nenik natatane mateaina la.

ULANGAN 17:8

Metema, manakee-manafula manai mamanak ndia, ala ta laketu-lala'di lalelak dede'ak ndia fa, nanahu nakeketun-na, tean-na seli, fo nde hataholi fo ana tutu'u basa, soaneu ana taonisa hataholi, do ana ta name'da fa te, ana taonisa hataholi, nale'a-napilik la'eneu pusaka, do esa tao nakahina esa soona, emi muse meu leo, emi Manetualaim-ma hele mamanak-ka meu.

ULANGAN 1:17

Emi naketu-nala'dim, boso namabela seselik; emi muse maketu-mala'di hataholi nenik naketu-nala'dik matak esa, fo boso bibinga-baba'e, see hataholi ndia. Boso bii-mamata'u neu su'di see boen, nana emi ho'i naketu-nala'dik ndia neme Manetualain mai. Metema, emi ta maketu-mala'di-mala dede'ak esa fa soona, menin leo au mai, fo ela au aketu-ala'din.