KELUARAN 17:14 - Susula Malalaok Hehelu Palak Ma Hehelu Beuk

¹⁴ Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

KELUARAN 17:14 Referans Kwoze

KELUARAN 34:27

Manetualain nafa'da Musa nae, “Sulak-ma dede'a-kokolak sila-la, nanahu no dede'a-kokolak sila-la de Au tao hehelu-balataak no o ma no leoina Israel-la.”

SEMUEL SUSULAK-KA ESAN-NA 30:17

Nai lelek neu fai balahaan-na, dulufula boema, Dauk sapu-nalas, de natee-natatik-ka losa le'odae. Musu-a hataholin esa boen, ta hapu nala deak fa, de maso'dak ka'da ta'eanak natun haa, nana ala sa'e onta de lalai.

SEMUEL SUSULAK-KA ESAN-NA 30:1

Basa faik dua boema, Dauk no solda'dun-nala fali le'us leo Ziklag leu. Lelek ala losa naa boema, ala hapu halak lae hataholi Amalek-kala, sapu-la nusa Yehuda boboan kona, ma ala sapu-la Ziklag boe. Ala ta taolisa hataholi esa boen. Tehu ala hotu heni kota ndia, de ala la'ok lakandoo sila leleo-lala'on, no loo inak-kala, ni'iana-la, ma laun fe'e-fe'ek-kala. Ala foo leni Dauk no solda'dun-nala teidalen-nala boe, fo Dauk saoinan duas, fo nde Ahinoam ma Abigail, lai dalek boe. Dauk no solda'dun-nala dalen-nala he'dis nanseli, nalosa ala ta hahae kikii-makaleleuk-ka fa, losa ala sota-mangu lanseli.

BILANGAN 24:20

Basa boema, nai ninitak ndia dalek, Bileam nita hataholi Amalek-kala. Boema, ana kokolak hala nafa'da elak ia, “Neme basa leoina manai daebafak-ka lala'en-na, Amalek nde manakoasa matuaina. Tehu neu mate'en-na te, leoina ndia, neukose mopok-kana losa dodoon-na boe.”

AYUB 18:17

Ta lalelak-kana nai kota dale, do nai kota deak so'on; ta hapu hataholi esa boen, fo bei nafandendelek na'den-na.

KELUARAN 24:4

Basa ndia boema, Musa sulak-na basa Manetualain paletan-na. Balahaa fafaik boema, napadedeik na mei tunu-hotuk esa no dii sanahulu dua nai letek ndia huun-na; dii esa soona, ana da'di ta'du tana neu Israel leon esa.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

MAZMUR 9:6

O huku basa leoina-la so, ma tao mamate-mamopo hataholi fo manatao tatao-nono'i mangalauk-kala; sila na'den-nala nananasanggango henik losa dodoon-na.

AYUB 19:23

Ah, ela leo been-na, au hala-kokolang nanasulak, fo ela nananafandendelek tataas esa;

EZRA 9:14

Da'di hapu nai bee, ami ta taoafik neu O paletam-mala so'on, ma ami sao sese'do-babalik moo hataholi mangalauk sila-la? Metema ami taon soona, tao leo bee-o, neukose O mamanasa manseli, nalosa O tao mamopo-mamate la'iesak ami, fo O ta po'ilotak hataholi esa boen, bisa naso'da fa.

1 TAWARIKH 4:43

Ala taolisa bei ela hataholi Amalek-kala, boema neme lelek ndia mai, ala leo lahele leme ndia.

2 SEMUEL 1:1

Mate basa Saul boema, Dauk fali ma'in neme natee-natatik fo, ana sengi hataholi Amalek-kala, boema nahele neme Ziglak, faik dua dalen-na.

SEMUEL SUSULAK-KA ESAN-NA 15:18

bai te, Manetualain nadenu Ama Manek tao namopo-namate hataholi Amalek mangalauk sila-la. Nananadenuk Ama Manek, fo matee-mata'ti la'ban hataholi sila, losa basas la'iesak-kasa.

YOSUA 4:7

ela leo been-na, emi mafa'das, mae Lee Yarden-na oen-na ma'dan, nai lelek leni Manetualain Peti Hehelu-balatan tunga lee ndia. Batu sila-la, neukose fe nafandendelek tataas esa neu leoina Israel-la, hata fo ana da'di nai ia.”

ULANGAN 31:9

Boema Musa sulak-na Manetualain Fo Manakoasa hoholo-lalanen, de ana fen leo imam Lewi fo, ana hapu bela-ba'uk soaneu ana ito-ato Peti Hehelu-balataak-ka, ma ana fen neu basa mauli-malangan Israel-la.

BILANGAN 33:2

Manetualain paleta Musa, fo ana sulak, ala singa mamanak-kala, na'den-nala.

KELUARAN 17:13

Mate'en-na, Yosua sengi hataholi Amalek-kala.

KELUARAN 32:33

Manetualain nataa nae, “Ka'da hataholi fo nasala-nasingo basa neu Au, neukose Au loseheni na'den-na neme susulak ndia dalek mai.

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

1 TAWARIKH 4:42

No Yisei anan-nala, fo nde: Pelaca, Nearya, Refaya ma Uziel nauli-nalangan de, leo Simeon-na, hataholin 500, ala lali leo Edom leu, fo nai dulu.

YEREMIA 30:2

nafa'da neu au leo ia, “Sulak ma la'iesak hata fo Au afa'dak neu o ia neu buku esa dalek.