KELUARAN 16:32 - Susula Malalaok Hehelu Palak Ma Hehelu Beuk

³² Musa nae, “Manetualain nadenu ita, fo ata ho'i-tala manna, fafa'kama kilo dua, fo ata pe'dan soaneu ita tititi-nonosin, fo ela ala lita nana'ak fo Manetualain fen neu ita nai moo solokaek-ka, nai lelek no ita kalua teme Masir mai.”

KELUARAN 16:32 Referans Kwoze

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”

IBRANI 2:1

Hu ndia de, ita muse ho'u tahele nanolik fo ita tamanene basa kala, fo ela ita boso la'oela ita namahehele na.

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.

KELUARAN 16:16

Manetualain fe paleta, fo ela esan-na helen-na de'u ndia paluun-na, fo nde umaisi esa soona, fafa'kama kilo dua.”

KELUARAN 16:31

Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

KELUARAN 16:33

Musa nafa'da Harun nae, “Ho'i-ma uledae esa, fo tao manna fafa'kama kilo dua leo dalek neu, fo makatetenen neu Manetualain matan-na, fo ata pe'dan soaneu ita tititi-nonosin.”

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

HOSEA 11:4

No basa Au suse-lalaing lala'en-na, Au fen deka no Au. Au lui amada'u basa doi-doson lala'en-na, ma no Au dale maloleng-nga, Au fen na'a.