KELUARAN 15:5 - Susula Malalaok Hehelu Palak Ma Hehelu Beuk

⁵ Tasi oe mademaina, ana ko'do-nalas, de sama leo batu-a, ana tu'da leo tasi oe-a buin-na neu.

KELUARAN 15:5 Referans Kwoze

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

KELUARAN 15:10

Tehu Manetualain hela hahaen-na ka'da la'iesa mesak-kana, de neni fe Masir fai susa-soe. Ala bolo sama leo tima mabelaina nai lii mapoponuk dale.

KELUARAN 14:28

Tasi oe-a ana luu ma'in, de ana potin-na kaleta-la, hataholi manasa'ek-kala, ma basa solda'du Masir manausi hataholi Israel-la, de lii-a ba'u nenis leo tasi tala'da leu, nalosa mate la'iesak-kasa.

YESKIAL 27:34

Besak ia, o bolo so, o makalulutuk nai tasi buin-na. O ofa isi-mala, ma basa bua-lo'as lala'en-na, mopos sama-sama loo o, nai tasi tala'dak.’

NINITAK 18:21

Basa ndia boema, ata nusa so'da kahelek esa so'u na batu esa, ba'u batu tututuk matuaina, boema ana tapan leo tasi dale neu ma nae, “Eno na leoiak, kota Babel fo nananita nalelak ndia, neukose nanatapa napane'ek, nalosa neukose ta natongo non so'on.

MATEOS 18:6

“See ka nde tao na hataholi esa neme hataholi kadi'ianak ia la ta namahele Au so'on soona, malole lenak metema pa'a batu tututu matua ina esa neu botolii na, fo makabobolok henin leo tasi oe madema esa dalek neu.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

YUNUS 2:2

“Ou Manetualain, nai au susang-nga dalek, au aloo neu O de O mataa au Au dokodoe tutulu-fafalik neme hataholi manamatek-kala daebafan dale mai, de O mamanene ma O taoafik neu au dokodoeng-nga.

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

MAZMUR 106:11

Tehu oe tao-na, sila musu noon-na bolo; de tae la hataholi esa boen.

AMSAL 8:24

Bongi au te tasi maloaina beita nananakadada'dik fa, oe mata-la beita ka'di fas.