KELUARAN 15:26 - Susula Malalaok Hehelu Palak Ma Hehelu Beuk

²⁶ Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

KELUARAN 15:26 Referans Kwoze

MAZMUR 103:3

Ndia nde, fe do'o do ampon neu basa o sala-singom lala'ena, ma Ndia nde tao nalea-hai basa o he'di-laum lala'ena,

ULANGAN 7:15

Neukose, Manetualain nasulu-nahapa emi, neme he'di-laus lala'en-na mai, ma nadook emi neme basa soe lala'en fo, emi mita matam neme Masir, tehu Ana fe soe sila-la, ala tuni-ndeni-la, emi musum-mala.

KELUARAN 23:25

Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

MAZMUR 147:3

Ana tao nalea-nahai hataholi fo, dalen-na he'dis-sa, ma Ana popoti-papalu bisun-nala.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

IMAMAT 26:13

Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

ULANGAN 28:60

He'di-laus maneni bibii-namata'uk fo emi mita matan neme Masir-ra, neukose la'e emi, fo emi ta hapu lea-hai fa.

ULANGAN 12:28

Metema emi taoafik matalolole neu basa hata lala'en fo, au paletan neu emi, soona emi tao tatao-nono'i malole fo nandaa no emi Manetualaim-ma dalen-na, nalosa emi moo emi tititi-nonosim-mala, so'da-molek ma tetu-temak, losa dodoon-na.”

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

ULANGAN 13:18

sa'di emi tunga basa paletan fo, au anduku-alosak-kana neu emi, nai faik ia dalen-na, ma tao tunga basa hihii-nanaun lala'en-na.”

2RAJA-RAJA 20:5

fali leo Hizkia, fo Manetualain anan-nala manen-na, fo nanduku-nalosak hala heheluk-ka nde ia, “Au, Manetualain, fo o bei-ba'i kaim Dauk, sene-do'ok-ka. Au amanene o huhule-haladoim, ma Au ita basa, o luu oe-ma so. Neukose, Au tao alea-ahai o; binesak te, neukose o muu leo Au Umang muu.

ULANGAN 28:27

Neukose, Manetualain huku emi nenik bisunggumak, fo sama leo Ana taon neu hataholi Masir-ra. Emi aom-ma, neukose henuk no bisu-a, ma kosolouk fo emi aom-ma nakaa, tehu ta hapu mo'do-akidoon-na fa.

YESKIAL 18:5

Metema hataholi esa nde been-na, hataholi ndoos, ana tao tunga matetun-na, ma dalen-na ndoos.

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

2RAJA-RAJA 22:2

Yosia tao hata, fo nandaa no Manetualain dalen-na. Ana tunga bei-ba'i kain Mane Dauk-ka heo-hilun, de ana tunga basa Manetualain hoholo-lalanen lala'en-na, no dalek-katematuan-na.

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

ULANGAN 28:58

Metema, emi ta tunga no emi dalek katematuam-ma, neu basa emi Manetualaim-ma hoholo-lalanen fo, nanasulak nai susulak ia dalek fa soona,

KELUARAN 12:29

Fatila'dak ndia, Manetualain taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak.

KELUARAN 19:5

Besak ia, metema emi tunga Au, ma lilineka neu Au hehelu-balataang soona, neukose Au tao emi da'di Au anang mesang. Daebafak-ka lala'en-na nde been-na Au nuung, tehu neukose emi da'di Au ana susue-lalaing,

KELUARAN 19:6

hehelik soaneu Au mesang-nga, ma neukose emi malalau-maoono Au da'di leo imam-imam.”

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

ULANGAN 12:25

Metema, emi tunga paleta sila-la soona, neukose Manetualain namahoko, de emi moo emi tititi-nonosim-mala, neukose maso'da no tetu-temak.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

2RAJA-RAJA 2:21

Boema, Elisa neu leo oemata neu, de ana nggali masik ndia, leo oe dale neu ma nae, “Manetualain nafa'dak-ka nde ia, ‘Au tao alalao oe ia, fo ela ana boso boe neni mamates do kalahenik bai!’ ”

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 17:24

Tunga basa Au paletang-ngala lala'en-na. Boso lu'a lepa hata beek ndia boe, tunga kota ia lelesu inan-na nai fai Sabat-ta. Tao fai sabat-ta da'di fai hehelik soaneu Au, fo boso tao-no'i hata nai faik ndia.

YEREMIA 30:17

Leomae emi musum-mala nafa'da nae, ‘Sion nanatu'u-tapa henik so, ma ta hapu manatao afik neu fan,’ tehu leomae leondiak boe, neukose Au tao-a emi lea-hai nasa-fali, ma neukose emi bisum-mala Au amo'dos.”

BILANGAN 12:13

Boema, Musa naloo bou-bou neu Manetualain nae, “Ou Manetualain, au dokodoe fo ela-leo been-na, fen lea-hai leona!”

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

MAZMUR 81:9

Mamanene Au hala nasanene'dang-nga, hai Au anang, Israel, fo ela leo bee-na, emi nau mamanene Au!

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

HOSEA 11:3

Te se'kona, Au nde anoli Israel, fo ana la'ok, ma Au nde holun nenik susue-lalaik. Au nde akaboboin-nana, tehu ana ta nau manaku fa.