KELUARAN 15:11 - Susula Malalaok Hehelu Palak Ma Hehelu Beuk

¹¹ Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 15:11 Referans Kwoze

1RAJA-RAJA 8:23

de ana hule-haladoi nae, “Amak, fo Israel Manetualain na! Nai lalai do nai daebafak-ka boe, ta hapu hata fo sama leo O fa! O tao matetu O hehelu-balataam ma O matu'du O susue-lalaim neu O anam fo manalilinekak ma manatunga O no dalek-katema tuak.

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.

2 SEMUEL 7:22

Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

ULANGAN 3:24

Ou Manetualain Fo Matua Madema, au bubuluk hata fo O matu'dun neu au ia, besak-ka nalupa makasososak neme O tatao-nono'im matuainam ma nanadodoo doak. Ta hapu lamatua daebafak nau nai lalai do nai daebafak-ka boe, fo sama leo O taom-malak hata-hata fo ta uku-dou nala fan.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 77:14

Ou Manetualain, basa O tatao-nono'im lala'ena, malalao-malalafuk, see kande ba'u ami Manetualaim-ma?

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

MAZMUR 77:19

Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

MAZMUR 35:10

Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

MAZMUR 66:5

Mai leona, fo mete Manetualain tatao-nono'in, tete'ek-ka, tatao-nono'in matua-madema nai hataholi daebafak-ka tala'da!

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

MAZMUR 90:11

See kande nalelak O nasa-melu matuainam-ma, ma name'da te'e-te'e no, O nasa-melum-ma, nenenin-na?

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

YESAYA 30:11

Heok leona, fo tunga eno fe'ek. Boso mapangge ami mo Israel Manetualain malalao-malalafun-na.”

MAZMUR 89:18

O fe ami sesengik matuaina, hu kande O dale malolem-ma, de ami sengi.

NINITAK 13:4

Sila basa-basas lamatutua-lamadedema naga ndia, nanahu ana fe basa be'ibalakain neu bana ndia so. Ala sene do'ok neu bana ndia boema lae, “Ta hapu mabe'i-balakaik sama leo bana ndia fa. Ta hapu esa boen bisa sengi fan!”

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

KELUARAN 20:3

Boso sene-do'ok neu lamatua fe'ek. Te sene-do'ok ka'da neu Au.

2TAWARIKH 2:5

Au ahiik fo ela Manetualain Uman fo neukose au afofo'an ndia, nalupa uma nanakoa-nanakiok, nana ami Amam Manetualaim nanakoa-nanakiok lena neme su'di lamatua daebafak bee mai boe.

2TAWARIKH 6:14

“Amak, fo Israel Manetualain-na! Nai lalai do nai daebafak-ka boeo, ta hapu hata fo sama leo O fa! O tao matetu O hehelu-balataam ma O matu'du O susue-lalain neu O anam fo manalilinekak-kala ma manatunga O no dale katematuan-nala.

MAZMUR 22:23

Neukose au tui O tatao-nono'im neu au tolanoong-ngala; nai O anam-mala nakabubuan-na dalek, au koa-kio O.

MAZMUR 113:5

See sama leo, ita Aman Manetualain? Ana nangatuuk nai kandela manen lain, nai mamana mademaina.

MAZMUR 136:4

Ka'da Ndia nde tao manada'di beuk matuaina-la; susue-lalain manaketu-basa tak, losa dodoon-na.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

1 TAWARIKH 16:25

Nana Manetualain matuaina ma nanakoa-nanakiok nanseli; Ndia muse nanabii-namata'uk lena neme basa lamatua daebafak lala'en-na mai.

MAZMUR 60:2

nai lelek natee-nata'ti no hataholi Aram-Mesopotamia, ma hataholi Aram-Zoba-la, ma nai lelek Yoab fali de ana sengi hataholi Edom 12.000 neme Bafak Asin-na.

MAZMUR 77:11

Boema au afa'da ae, “Ia nde nakahehe'dik au daleng-nga, nde nae Fo Mademaina, ta koasa so'on.”

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.