KELUARAN 15:10 - Susula Malalaok Hehelu Palak Ma Hehelu Beuk

¹⁰ Tehu Manetualain hela hahaen-na ka'da la'iesa mesak-kana, de neni fe Masir fai susa-soe. Ala bolo sama leo tima mabelaina nai lii mapoponuk dale.

KELUARAN 15:10 Referans Kwoze

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

ULANGAN 11:4

Emi mita, tao leo beek de, Manetualain tao namate-namopo solda'du Masir-ra no basa ndalan-nala, ma kaleta musun-nala. Ana taon-na basa-basas bolo leme Tasi Gelagah nai lelek ala usi emi-a.

KELUARAN 15:5

Tasi oe mademaina, ana ko'do-nalas, de sama leo batu-a, ana tu'da leo tasi oe-a buin-na neu.

KELUARAN 14:21

Boema Musa leleuk liman-na leo tasi lai neu, de Manetualain fe ani timu matuaina mai, nalosa tasi oen-na le'a. Le'odaek ndia, ani timu nahele, de ana tao nasafali tasi-a da'di dae ma'dak.

MATEOS 8:27

Boema Yesus ana mana tunga nala dodoo doa kana. Ala bee kola lae, “Ade see hataholi ia, de nalosa ani na ma lii a boeo tunga paleta na!”

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

MAZMUR 147:18

Boema, no paletan-na, de eis ndia, ana noe; Ana fe anin-na mai, boema oe-a faa.

MAZMUR 135:7

Ana fe ko'as-sa mai, neme daebafak-ka pe'dan-na mai, ma Ana tao ndelas-sa, soaneu u'dan-na Boema Ana paleta anin-na, fo daenga ana kalua neme, mamana pepe'dan-na mai.

KEJADIAN 8:1

Manetualain ta nafandele heni Noh ma basa bana lala'en, fo sama-sama loon nai ofak ndia dalek. Manetualain fe anin-na mai, de nalosa oe ndia mulai ma'da.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

YEREMIA 46:17

Foi na'de beuk neu manek Masir-ra: ‘Manatao tasi'bu fo maneseli fai loak-ka.’

2 SEMUEL 18:8

Natee-nata'tik-ka namaloa leo basa nusak ndia lala'en-na neu, de hataholi manamatek manai nula dale-la, de'u lena hataholi manamatek manai natee-natatik dale.

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.